اسكتوا يا ولاد ... مش المرتب زاد !!!

[أحمـدنجـم]

أنت اللي جميل ومرورك أجمل ويارب تستمتع معنا وتستفيد في منتدى بوابة الثانوية العامة وأهلا بيك

[المتبتلة]

ما كنت ماشي كويس يا عم أحمد
ليه تنور اللمبة الحمرا
وتمشي البودي جارد
وتطلق سوسو
ايه عصير البرسيم دا كمان
وكمان هتسدد ديون مصر
كل دا بالمرتب؟
وفي النهاية تقول مبيجيبش بوري؟
وخلى هدومي بهدلي؟
وهناكل طول الشهر عدس؟
ربنا يسامحك
روح يا عم .. منك لوزير المالية
اقعد ادام عتبته واديله القصيدة واكيد ان شاء الله
ربنا هيحنن قلبه علينا وهيصرف لينا علاوة
علاوة
علاوة
علاوة
10
جنيهات مصرية فقط لا غير

[أستاذ الكمبيوتر]

شكراًً جزيلا

[أستاذ الكمبيوتر]

رائعة حداً

[magy20]

روعة روعة روعة
بارك الله فيك

[نورالحبيب]

هههههههههه
فعلا حلو
بس انت بتاخد كام ياغلبان اوعى تكون زينا 340 جنيه لاييغمى عليا اصل كنت فاكره كل اللى زيى عندهم كبت وساكتين اتارى فى ناس بتغنى اهه ومبسوطين ههههه الله يسعد وقتك

[zozza love]

بجد جميله اووووووى
وكيفتنى جامد
شكراااااااااا

[محمد حسين الشربينى]

[عبدالوهاب شاهر]

شكرا ليك اخى الكريم

[Dr. Hoda Ahmed]

رائع دى كلمة قليلة

ابداع فعلا (بس هو المرتب زاد كام يعنى ؟؟)

[إلهام صلاح لاشين]

المشاركة الأصلية كتبت بواسطة أحمـدنجـم

شكرا لكل الأعضاء الذين مروا على موضوعي المتواضع
لقيت 13 شاهدوا الموضوع ولا واحد فيهم رد أكيد كا ن مستني زيادة حقيقية في المرتب

قصيدة جميلة تعبر عن واقع مرير وعلى فكرة نحن رفيقا سلاح واحد وقد قدمت أكثر من قصيدة عن الكادر أيضا وعلى الحكومة أن تأخذ عبرة من ثورة 25يناير لأن الثورة القادمة هى ثورة المعلمين

[aboalhasanabas13]

القصيدة أكثر من رائعة ,
والموهبة ظاهرة ,
مع تحفظى على قولك
( وسكرتيرة لشغلي تباشر )
والبيت الذى بعده .........
وإلى الأمام دائما

[Mo7amed zizo]

المشاركة الأصلية كتبت بواسطة أحمـدنجـم

المرتب زاد يا ولاد ..... المرتب زاد

وف شهر سبعة احنا على ميعاد
المرتب زاد
وخلاص هبني الدور العاشر
وهخلي تليفوني مباشر
واجيبلي بودي جارد ياباني
وسكرتيرة لشغلي تباشر
تقعد ويايا وتغني واللمب الحمرة هتنقاد
م المرتب زاد يا ولاد المرتب زاد

حد يقرصني في لباليبي .... مش مصدق
وهركب شوالين لجيوبي ..... مش مصدق
مش راح افكر ابقى سعودي ....
ولا يوم هخرج بره حدودي ....
لا تقولي يورو ودولار ..... الجنيه
ولا عايز ريالات ودينار ..... الجنيه
مهما هيغرق او يتمزق هو الفرود هو الواد
م المرتب زاد يا اولاد المرتب زاد

وانتي يا سوسو يللي خطبتك من خمسين شهر واسبوع
مامتك مش هتقول يا خبتك سيبي الواد ابو جيب مقطوع
الشق هجيبها على النيل ..... نيل .. نيل
وهجيبلك خط ف موبينيل .... نيل .... نيل
ونصيف في باريس ونشتي ف بوركينا فاسو يا سعاد
ما المرتب زاد يا ولاد المرتب زاد

وانا راح اسدد كل ديوني ويمكن اساهم في ديون مصر
واسعد كل اللي يصحبوني واعزمهم عندي في القصر
واعمل بارتي على البيسييييييم ...... سيم سيم
وف صحتكو عصير برسييييييييم ...... سيم سيم
اشربوا ياما هتشربوا تاني
اتزحلقوا دا بلاطي قشاني
اوعاك تحرن او يوم ترفس لتلاقي نفسك متقرفص
جوه غريب اللي ف بغداد
المرتب زاد يا ولاد المرتب زاد

يا مرتب يا ابن ألمبوحة
دي زيادتك صبحت مفضوحة
يا مرتب تسمحلي أقولك المتغطي بيك عريان
بعد 11 سنة يا مرتب من تعييني افضل غلبان
ولاعتي خلاص مش هملاها م البنزين غلوه سبعين
حتى الجواميس قالت ليهم لازم لبني يزيد خمسين
والسكر قالك يشمعنى زودته ... هديله العين

كادر ونيلة ايه يا منيل
دا والله مرتب عيل
دي خسارة فيك الكشوفات
على ايه عاملينلك ادارات
خليت شكلي زي ولية .... والله لهدي دروس خصوصية
اوعو حد يقف قدامي .... دا انت خليت غيري حرامي
مش راح نحرق تاني المبي ..
هحرقك انت يا حارق قلبي
وهزفك زفة ليقالك
كل الناس جارية وجيالك
تاخد جنبك آخر صورة وتقولك غنوة مشهورة

يا مرتب يا ابن المبوحة دي زيادتك صبحت مفضوحة
ابكي عليه وقولي .. دا كان ميجيبش البوري
ابكي عليه وشلشلي دا خلا لبسي بهدلي
ابكي عليه و بس دا كمان ميجبش العدس

يا مرتب يا ابن ألمبوحة

بصراحه روووووووووووووووووووووعه والله
ناااايس

[aymaan noor]

رائعة جدا

جزاك الله خيرا و بارك الله فيك

[LoOoLy El Treikawya]

عمالة اقرا ومزبهلة كنت بستعد اكتب لحضرتك لاء أكيد دي قصيدة ساخرة لحد ماطلعت ساخرة فعلا الحمد لله

عاااش