|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
30-04-2015, 08:00 AM
|
|||
|
|||
أرجو المساعدة ضروري جـــــــــــــــــــــــــــــــدا؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
السلام عليكم معلش فاضل شهر ع الامتحانات وانا في المراجعة الثانية وحاسس اني مقصر جدا بس خايف اني ملحقش احل امتحانات كتير والدليل وكده وبدات اشعر بالقلق لاني بنام بدري للاسف بس بذاكر بالنهار فكده استهتار كبير اوووووي اووووي ولاسه حتي الان النوم متلغبط 
|
|
#2
30-04-2015, 05:20 PM
|
|||
|
|||
اقتباس:
يا بنى انا فى مواد خلصتها من غير اى مراجعة و طلعت مركز على الجمهورية ! اى نعم فى اول الف مش فى اول عشرة  بس طلعت  ظبط نومك بس ومتضيعش وقت
__________________
وانته بتحاول تعدى الثانوية
|
|
#3
04-05-2015, 05:00 AM
|
|||
|
|||
|
اهدى كده شوية وطالما راجعت كتير حل على قد ما تقدر
ولو عندك شك باى جزئية فى اى مادة انت بتنساه او بتتلغبط فيه راجعه او خلى المستر يشرحهولك
|
|
#4
04-05-2015, 09:30 AM
|
|||
|
|||
|
شكرا ليكم يادكاترة المشكلة بس اني ضيعت يوم من شهر 5 كنت مكسل فيه ذاكرت فيه درسين قراءة بس وكده انا تقصيري بيزداد ربنا يستر
|
|
#5
05-05-2015, 09:34 AM
|
|||
|
|||
|
وال من اول ما 5 بدأ وهو بينام طول الليل يعمل ايه ؟؟
|
|
#6
05-05-2015, 05:24 PM
|
||||
|
||||
|
والله العظيم والله العظيم والله العظيم
السر كله فى الهدوء والثبات صدقونى والله الهدوء والصبر هيخلوك زى الفل (أنا نفسى كنت هادى جدا لدرجة الناس كانت بستعجب من هدوئى ده.... بس كنت عامل للى عليا وماكنتش بفكر أنا هدخل ايه ولا هعمل ايه ....جيبناها كان بها ....ماجبناهاش لا يكلف الله نفسا الاوسعها) على راى المثل (للى يخاف من الفار يطلعله) انت اعمل للى عليك وتوكل على الله وماتبصش للنتيجة أو تهتم بيها بس اعمل للى عليك واهدى خالص
__________________
|
|
#7
05-05-2015, 07:01 PM
|
|||
|
|||
|
بقالى اسبوع بنام ١٠ ساعات
هو فى هدوء اكتر من كده انا مش عارفه انا بعمل فى نفسى ايه
|
|
#8
06-05-2015, 03:03 AM
|
|||
|
|||
|
اللي بينام كتيييير دة بسبب الكسل طبعا ومش هاتقدر تتغلب عليه بسهوله وما فيش وقت تحاول تتغلب عليه كل اللي باطلبه منك تغير مكان المذاكرة بسرررعه وحافظ عالصلاه اقسم بالله هاتفرق ،وشغل المروحه جنبك وبص مش عايزك تنام الا لما تنجز مذاكرة كتيييير يا شيخ والله حالا الساعه 3ص وانا صاحي امبارح 5 ص يعني لسه ساعتين واكمل يوم والتركيز عندي لسه full ومش جايلي نوم ،عني عايزك ما تقوم ش من عالكتاب الا للصلاه او الاكل بس والله علشان مصلحتك انت ،واللي ما ذاكرش طول السنه او ذاكر خفيف او عندة مواد كتير وكل ما يفتح حاجه يقول التانيه اهم ويقفل الكتاب ، ذاكر صفحه احلى ما ماتذاكرش يمكن الصفحه دي او الساعه مذاكرة دي تضمنلك 3% و لما تمسك مادة انسى الباقي علشان ما تتعبش ، اقوللك حاجه بعملها ، لو هتذاكر مثلا فيزيا اقنع نفسك ان بكرا امتحان اخر العام الفيزيا اللي هتتبنى عليه حياتك كلها ولازم انهاردة اخلص الكهربيه مثلا انا مذاكر الحديثه قبل كدة وحتى لو مش مذاكر الحديثه اوهم عقلك بكدة علشان تركز في الكهربيه وبس وافتكر ان بكرا الامتحان
،،واللي بيقول يعني ممكن ربنا يجيبني جنب اللي بيذاكر من اول السنه ؟ اقوله اه ممكن والله تمسك الكتاب قبل الامتحان وتعدي اللي بيذاكر من اول السنه ، وردد هذا الدعاء ،اللهم اني اعوذ بك من العجز والكسل ، ربنا يوفقكم ويوفقنا ،ضيعت انا وقتي اكتير هروح اكمل بقى ،
__________________
I wannnnnna be engineeeeeeeeeeeeeer 
|
|
#9
06-05-2015, 07:28 AM
|
|||
|
|||
اقتباس:
 انا قايمه اذاكر 
|
|
#11
09-05-2015, 07:27 AM
|
||||
|
||||
|
اقتباس:
معنى انك بتنام كتير معناه انك خايف وقلقان وأنا أؤيد فكرة أنك تحافظ على الصلاة فى مواعيدها هتظبتلك وقتك خالص ولو ماقدرتش خلاص عادى بس المهم الوقت للى تصحاه تذاكر فيه وبالمناسبة ال10 ساعات دول هم فترة النوم الطبيعى عند المراهق يعنى المراهق بيبقى عايز فترة نوم أكتر من الأطفال وخاصة لو كان بيتعرض لضغط المهم تحاول تظبط نومك بحاجتين الصلاة فى معادها والمنبه والوقت للى تصحاه تذاكر فيه حتى لو نص ساعة بين صلاة وصلاة مثلا
__________________
|
|
#12
09-05-2015, 09:09 AM
|
|||
|
|||
|
اقتباس:
بس المفروض يقل عن كده لانى بكون محدده وقت معين هذاكر فيه وهخلص فيه حاجة معينه بس باخد من الوقت ده وقت للنوم انا نفسى انام ساعتين بس كده ممكن اخلص مراجعة واحل كام يوم كده بالنسبة لمواعيد الصلاة تمام انا كنت عارفه انى دى مشكلة عندى كون بذاكر واسمع الاذان واردده واقول هخلص بس الجزئية دى وهقوم اصلى ع طول بس غالبا الجزئية دى مش بتخلص وبتحصل اى حاجة تلهينى فقولت خلاص لازم اول ما اسمع الاذان اقوم فورا اصلى اصلا لا يبارك الله فى عمل يلهى عن الصلاة يـــــــــــــــــــــارب ادعولنا يا جماعة مستقبلنا ع المحك هقول لحضرتك ع حاجة انا راجعت الكيميا كويس اول 3 ابواب راجعتهم فى شهر 4 مرتين والعضوية راجعتها فى شهر 5 وهجيبها تانى انهارده ان شاء الله الاحياء ال dna اقل الاجزاء مذاكرة فيها لكن الباقى اتذاكر 50 مرة طول السنة ولما بروح الدرس بحل مع الاستاذ وبجاوب والفترة ال فاتت راجعت الدعامة والحركة ودرسين تكاثر الفيزيا: الحرارية متفتحش نهائى الحديثة اتفتح منها اول درس بس الحث خلص المغناطيسية عندى فيها اجهزة القياس والكهربية شغال الانجليزى ضايع فى المذاكرة بس بعرف احل امتحانات وبدأت فيها من يوم جبت وحدتين وعندك بقى شوية رياضة وعربى وشرعى اركن دول ع جنب دلوقتى هقول لحضرتك انا هعمل ايه وقولى كده صح ولا غلط وهكون ضامنه الكلية ولا لاا طبعا الكيميا هتخلص ان شاء الله انهارده من بكره ان شاء الله هبدأ اذاكر الحديثة بالتوازى مع المغناطيسية بيقولوا ممكن اجيب طول النهار فصلين حديثى وبالليل جهازين مغناطسية يبقى كده الحديثة والمغناطيسية تخلص فى يومين بعد كده ادخل ع الكهربية اظبطها تاخدلها يوم بحلها وبعد كده الحرارية ودى بيقولوا اخرها ساعتين كده ماشيين فى اربع ايام الخميس والجمعة اجيب الاحياء وفى كل يوم من الايام دى هحاول بقدر الامكان اذاكر انجليزى واذاكر جزئيات من dna واحل كيميا واحغظ قرآن بعد يوم الجمعة الجاى ده هيكون فاضلى 15 يوم اخر اسبوع هيبقى لاول مادتين فقه وميكانيكا الاسبوع الاول عندى 3 ايام الم فيهم الشرعى مع حل امتحانات ع المواد كلها ويومين الم فيهم قوانين الجبر والهندسة والتفاضل هيفضل فى الاسبوع يومين هجيب فيهم الفيزيا تانى مع حل امتحانات برده لو النظام ده يضمنلى اجيب مجموع عالى باذن الله هنفذه لو لا قولى اعمل ايه وانا ان شاء الله هعمله ممكن اخلى اليوم 48 ساعة عادى بس احقق حلمى عذرا ع الاطالة
|
|
#13
10-05-2015, 09:48 PM
|
||||
|
||||
|
شوفى لايعلم الغيب إلا الله وزرق كل واحد مكتوب وهو فى بطن أمه
فموضوع أنك ضامن كليه ده مش مظبوط واحكليلك بمثال حقيقى واحد صاحبى ومعايا فى دفعتى دخل كلية الطب بكام؟ 401.5 يعنى 97% الولد ده بيحكيلى أن أخوه للى أكبر منه بسنتين جاب 404 يعنى 98.5% ودخل ايه؟ صيدلة (ملحقش طب) عايز أقولك أولا مافيش حاجة اسمها ضامن كله مش مضمون ممكن تتظلمى فى التصحيح (زى ماحصل لواحد صحبى ودخل بسببها بيطرى ...أنا اتظلمت برضه بس الحمد لله مأثرش عليه) ممكن يجى التنسيق عالى وهكذا..... فأول نصيحة ابعدى تفكيرك عن الكليات والتنسيق والكلام الفاضى لأنه كفيل بأنه يخليكى تتوترى جامد وتضيعى كل للى عملتيه وصدقينى والله العظيم هيجى يوم التنسيق وتحتارى بين صيدلة وأسنان وبشرى وأنت جايبه مجموع بشرى وهتشوفى بنفسك والكلام ده حصل مع أغلب البنات فى مدرستى (كلهم ماشاء الله جايبين 408 و409 وفى منهم دخل صيدلة شوفتى؟ واحنا الولاد دخلنا طب ....ممم....يعنى بالحركرك) ده أولا ثانيا بقى وده الكلام المهم مذاكرة الثانوية العامة بالكيف مش بالكم (وبالحل أكتر من الفهم) فمش مهم قد ايه انت ذاكرتى لكن هل ذاكرتى كويس ؟وممكن تغلطى فى حاجة أنت مذكراها أكثر من 50 مرة عااادى ثالثا نيجى للكلام للى قولتيه حضرتك النوم الصحى لايق عن 8 ساعات لسبب......سلامة الجهاز العصبى والقلب الاتنين دول أكتر المتأثرين بقلة النوم واحنا درسنا تأثير قلة النوم عليهم (وعلى غيرهم وغير أبوهم) فأنت هتنامى كالتالى ياما 6ساعات (مثلا من 10 الى 4 عشان نصلى الفجر ) والوقت ده أفضل من أى وقت للمذاكرة وننام بعد الظهر ساعتين (لأن النوم بعض الظهر بيقولوا بيزود نسبة الذكاء ...الله أعلم قريتها مرة فى النت ) ياما ننام 8ساعات على بعضيهم وخلاص بسسس....نصحى نذاكر حلو؟ الصلاة فى مواعيدها بدون تردد الفروض مش السنة (هو لاقين وقت أصلا) ندعيلكم؟ يارب وفق طلبة الثانوية العامة لما تحبه وترضاه اللهم أنزل عليهم شطارة فجائية تجعلهم يفقدون صوابهم ويذاكرون مذاكرة خرافيه للى بعده ....مممم.... بالنسبة للكيمياء أنت كده تمام بس فاضل أنك تحلى كويس لأن الكيمياء مش صعبة بس مسائلها بيبقى فيها حاجات صغيرة جدا ممكن تودى المسألة كلها فى داهية مثال :لما كنت زيكم كنت باحل من كتاب دليل التقويم حلو؟ المهم جاتلى مسألة عن التركيز وطلب فيها التركيز بالجرام لكل لتر (المعتادى بيبقى مول لكل لتر )فأنا وقعت فى المسألة ده الكيمياء مش صعبة عايزة حل بس ويكون كتير جدا وركز على العضوية لأنها بتتنسى بسرعة واكبر عدد درجات فى الامتحان بالنسبة للمسائل الكيمياء الغير عضوية (التحليلة الكهربية ) الحل فيها مهم جدا جدا جدا الأحياء مش عاجبنى موضوع أنك سابيه الDNA على الفكرة الجزء ده مهم جدا و من أهم الأجزاء وتركزى عليه مع الحل لسببين 1- أكتر جزء فىه لخبطة 2- لو قدر الله ودخلتى كليات (أسنان _بشرى_صيدلة ) هتدرسوه تانى وبالتفصيل المممل جدا جدا واسم كل انزيم واسم كل بتاع بس باسم (Molecular BIology)ولو مكنتوس فاهمين الفكرة الأساسية بتاعت الثانوى هتضيعوا فيه فى الكلية (الفكرة الأساسية هو ده مجرد فكرة أساسية؟ أيوة للأن انت للى بتاخده ده مجرد عناوين بالنسبة للى بناخده ) بيقى الأحياء 1- نحل مسائل وراثة ومهمة جدا 2-نحل مسائل وأسئلة باقة الفصول وامتحانات 3-نركز على جزء الDNA نفهمه ونحفظه زى اسمنا ونحل عليه كمان بالنسبة للميكانيكا والفقه والشرعى (أنا تربية وتعليم مش أزهر )فللأسف مش أقدر أفيدك فيه بالنسبة للفيزياء :ركزى كويس على للى هأقوله الحرارية لو بتاخدو زى الوزارة الفصل التامن بس (فيزياء التبريد ) متركزيش عليه قوى بس زاكريه كويس لأن له نسبة أسئلة برضه الكهربية والحث :مهمين جدا كأسئلة لازم بتفهموا يتفهموا ويتحل عليهم الحديثة :ده لازم تتذاكر ويتركز عليها أكتر لأنه عايزة 1-حفظ جامد 2-فهم جامد 3-تدقيق فى الاجابة بالحرف بالكلمة والفيزياء من المواد للى يتيجى امتحاناتها بسؤال خبيث جديد محدش شافه للأسف لازم يجى سؤال واحد كذلك فلازم تعودى نفسك على حاجة مهمة (ايه هى؟) الحل من أول مرة (بمعنى لازم لما تجيلك المسألة تحليها أو تحاولى على الأقل أنك تحليها صح من أول مرة بدون مساعدة حد ...لو مقدرتيش مش مشكلة اطلبى مساعدة المدرس وخدى فكرتها لأن المسائل الجديدة للى بقولك عليها بتيجى مركبة من فكرة مسألتين ) أخيرا بقى أى جدول تعمليه كويس طالما أنت ماشية عليه وطالما أنت هتخلصى قبل الامتحانات طبعا وطالما أنك بتحلى كويس كده بأذن الله بإذن الله إن شاء الله (لو متظلمتيش فى التصحيح يعنى زىيه كده ) تجيبى مجموع لكن الكليه علمها عند ربنا وبعد ربنا التنسيق بقى وحركات وانتم عارفين بعتذر أنى نسيت موضوع أنك أزهر ولا أملك لك الا الاعتذار ربنا يعينكم على حفظ القران أكيد مطلوب منكم تحفظوه كله (الحمد لله حفظته من وانا فى اعدادى) وبالمناسبة النظام للى انت كاتباه كويس بس حاولى انك تاخدى النوم الكافى لأن والله العظيم الصحة مبتتعوضش فى ناس على فكرة كانت بتذاكر ساعيتن أو 4 ساعات ودخلت الكلية برضه وفي ناس انت عارفه فالمذاكرة بالكيف مش بالكم وكل واحد وامكانياته أهم حاجة 1-حل الامتحانات السابقة أزهر وعام 2- الهدوء والصبر وبلاش الخوف والاضظراب 3-نحافظ على صلاتنا حتى بعد الامتحانات لأنه مش عيب اننا نقرب من ربنا وقت الشدة العيب اننا نرجع تانى للوضع السئ للى كنا عليه حاجة أخيرة وربنا يوفقكم
__________________
|
|
#14
11-05-2015, 09:56 AM
|
|||
|
|||
|
اقتباس:
شكرا لحضرتك جدا ع الرد علم وسينفذ ان شاء الله بالنسبة لحكاية ضامنه الكلية انا قصدى بكده اكون عملت ال عليها اكون مؤهلة لانى احصل ع مجموع يدخلنى طب لكن انا عارفه انه المسألة توفيق من ربنا قبل اى حاجة اختى السنة ال فاتت كانت فى تالتة ثانوى وكانت بشهادة كل المدرسين عندنا من افضل البنات بل كانت افضل واحده فيهم كمان فى مدرس انجليزى اخدت عنده فى اولى ثانوى شهر وسابته دلوقتى بيقول ان مستواها فوق الممتاز واحسن من ال جابوا طب بيقول انه كان بيشوف الدرجات هو متوقع انها الاولى لكن للسف نقصت 10 درجات فى الفيزيا ودخلت بيطرى وبرده ظلم يعنى هى مش المفروض تنقص 10 اطلاقا ع كل الحمد لله ... الخيرة فيما اختاره الله الشاهد : الموضوع توفيق من ربنا وال كاتبه هو ال هيكون وانا بحاول انه ثقتى فى ربنا تفضل عالية وبدعيه انه يعاملنى بكرمه ويعطينى اكتر من ال استحقه وحتى لو انا قصرت وانا فعلا قصرت كتير بس برده هيفضل عندى أمل فى ان ربنا هيكرمنى وهيفرحنى ده طبعا كله مع المذاكرة الكويسة جدا فى الوقت ال فاضل الله المستعان .. جزاكم الله خيرا يا دكتور تعليقك ده من الحاجات ال هفضل اقرأه كل ما ادخل المنتدى علشان افضل فاكره دايما مسؤلياتى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:31 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
