مشروع رائع لكل من له همة فقط منتظرة تسجيل دخولكم

[الغيورة على الدين]

السلام عليكم ورحمة الله وبركاته

كيفكم يا اخوات ؟؟

لعلكم بخير يارب

طبعا لاني متعودة من الاخوات هنا على الهمة العالية والاشتراك في الخير

فانا باذن الله حضر لي فكرة مشروع

والمشروع باذن الله هيتنفذ على النت هنا وعلى ارض الواقع

المشروع بكل بساطة عبارة عن ((تعليم . ترفيه . ثقافة .مهارات.مسابقات....))


انا كنت بفكر اني اعمل المشروع ده مقتصر على بنات السنتر الي باخد فيه درس واصحابي وزمايلي في المدرسة بس

ولكن حبيبت نستفاد كلنا



هيكون عبارة عن اجتماع اسبوع على ارض الواقع للي مش عندهم نت وعلى النت للي عندهم نت


انا عرضت فكرة الموضوع وتفاصيله على الاستاذه ام شاهندة وهي جزاها الله خيراً رحبت بالفكرة

وقالت انه ممكن يكون المشروع للبنات ولو نجح نعمل مشروع للشباب بس طبعا منفصلين

ولو لقينا قبول نناقشه في قسم النقاش الهادف

وبدل ما يكون الاجتماع على النت في محادثة ياهو يكون هنا في غرفة صوتية

طيب ايه تفاصيل الموضوع وهنتكلم في ايه وايه الاستفادة

ده باذن الله الي هقوله بعدين

منتظرة من كل الي عاوز يكون معانا يسجل حضور

والموضوع مفتوح لجميع الاعمار

ولكن الامر يخص الفترة من الاعداي الي الجامعة

في الانتظار

.
.

[الأستاذة أم شاهندة]

طيب اشرحى فكرة الموضوع والغرض منه
عشان الناس تقدر تفهم أهميته وتشارك إن شاء الله


بالتوفيق

[uouo love]

ممكن حضرتك توضحى اكتر لو سمحتى

[الغيورة على الدين]

اعتذر على التأخير

والله النت عندي سئ جداا
الي جانب ضيق الوقت والله المستعان

في المشاركة القادمة باذن الله اشرح المشروع

[الغيورة على الدين]

اول حاجة انا محبتش اعرض الموضوع في المشاركة الاولى وكنت منتظرة فقط ان البنات تدخل وبعدين نتكلم

ولكن باذن الله نبدا نعرض الموضوع



الفكرة العامة

اجتماع للبنات على النت في غرفة صوتية او محادثة على ميل

يوم واحد في الاسبوع وليكن مثلا يوم الجمعة

من ساعة ونص لساعتين

اول حاجة باذن الله هنكتب اسماء البنات الي هتشترك معانا

وزي ما قلت كل الاعمار ممكن تبقى معانا بس الي هنركز عليهم من اول الاعدادي الي الجامعة



بعد كدة يتم تقسيم البنات الس مجموعة وكل مجموعة نطلق عليها اسم ومكونة من عدد معين من البنات

هنعرف باذن الله اهميتها ايه

الاجتماع ده بأه اتعمل ليه وايه الفايدة منه ومكون من ايه؟؟؟


اولا ايه الدوافع الاساسية للموضوع

لاننا في الفترة الي احنا عياشنها دلوقتي يلزم كل واحد فينا

انه بجانب دراسته او حياته العادية

انه يكون عنده برنامج أخر ثقافي يلم بكل جوانب الحياة كالتالي



1* برنامج ثقافي * ديني وسياسي *

2*دورات كمبيوتر في جميع المجالات عشان تساعدنا في البحث وووو.......

3*كورسات تنمية بشرية .. *كيفية التعود على الاقناع والمحادثة وعرض الافكار يعني خبرة في كيفية الكلام بمنطق*

4*ثقافة انجليزية وتوسع كبييييييير (ولان لا وجود لمن لا يتقن الانجليزية)

المشاكل الي ممكن تواجهنا في تحقيق الموضوع ده

1* مفيش خبرة عند اغلبنا في مكان وكيفية الحصول على الثقافة دي
2*بصراحة كلنا معندناش بردة القدرة اننا نقعد نقرأ ونبحث ونتعلم الموضوع ملل يعني بصراحة
3*مفيش حد حولينا اصلا مشجعنا يعني محتاجين حد يعينا وخصوصا لو خلينا الموضوع ده كأنه مرح

الفايدة بأه من الموضوع

1* اول حاجة طبعا اننا هنتعلم كل الحجات الي انا ذكرتها فوق

2* القضاء على الملل لاننا هنخلي الموضوع بمرح وتسلية ومسابقات يعني هنتعلم من غير ما نحس

3*هنوفر الجهد والوقت لاننا هنقى منظمين كل شئ تقريبا ان شاء الله

4*طبعا التعرف على صحبة صالحة وهنتعلم حجات كتيييييير

كفاية كدة ونشوف التفاصيل اكتر في الموضوع نفسه

الاجتماع ده هنقسمه الي اربع اجزاء يعني كل جزء من تلت ساعة لنص ساعة

• الجزء الاول

هننفذ فيه دورة التنمية البشرية
الدورة دي ممتعة جدا جدا يعني مش زي الدورات المعقدة

الدورة دي منتشرة على النت اسمها استراتيجيات تفكير العباقرة

والدورة دي احنا مش هندرسها
لأ
هنفذها سوا خطوة بخطوة ازاي تنظمي يومك ازاي تتخلصي من عيوبك وترفعي من مهاراتك
ودي هتفرق معاكي كتير جداااا هتنظم حياتنا وتفكيرنا من أصغر حاجة لأكبر حاجة وممكن الي عاوز عنها معلومات يبحث في النت

• الجزء الثاني

البرنامج الثاقفي الديني السياسي

وهنعمل فيه التالي

كل اسبوع هيبقى عندنا موضوع هتبحث فيها مجموعة محددة ويتقسم الموضوع الي عناصر على عدد المجموعة

وفي وقت الفقرة تبدأ المجموعة تقولنا على المعلومات الي جمعتها

وباذن الله هنكون مجهزين لها المصادر الي هتبحث فيها وكله على النت

وبكدة تكون جمعت المعلومات بحب والباقي يستفيد من غير ملل

واكتسبت قدرة الالقاء وتوصيل المعلومة في حاجة بسيطة ولا ايه ؟

ودي بأه هنحتاج فيها بنات نشاط

ومتخفوش الموضوع مش كبير خالص يعني ممكن تبحثي وتسيبي الصفح الي انتي فتحتيها قدامك وتقرأي منها يعني مش هنحفظك ولا حاجة يعني مفيش تضيع وقت
ونعمل مسابقات بين المجموعات ونعطي لها تقيم ونقط

والمجموعة الي تفوز من فترة لفترة يكون في جوايز قيمة

• الجزء الثالث

هيبقى للدعوة هيكون لي كلمة ان شاء الله او اي اخت تحضر كلمة خاصة صغيرة فيها دعوة للاخلاق والتدين وبردة نبقى نحددها سوا

• الجزء الرابع

هيكون عام

نتكم عن الدراسة مثلا أو اي موضوع يشغلنا او اخت عاوزة تسأل عن حاجة او نتناقش في موضوع يهمنا كلنا ( اختيار كلية مناسبة، اختيار شريك حياتك وهكذا ولكن غاليا هنخليها لها علاقة بالدراسة )
وبفكر اسميها فترة فضفضة نتكلم فيها عن اي شيئ يشغلنا

يعني فترة المرح بتاعت الاسبوع

وبفكر يكون في الاخر نفدم مقطع مرئي او صوتي لطيف كدة وصغير ونعلق عليه المرة الجاية
وهنا نتهي

بصوا يابنات دي الافكار الي جات لي ياريت لو عندكم افكار ذيادة او تعليق او نقد او ذيادة او أي شئ

ما تبخلوا بيه

وعاوزة بالله مشاكرة فعالة

وننشر الموضوع في المدارس وعاوزينه يبقى بصمة خير لنا كلنا

وعاوزة كل واحدة تقولي رايها

يلا عاوزة الموضوع ده يكون اكبر موضوع هنا في القسم

وعاوزة تفاعل زي موضوع لكل اخت لا تستطيع ارتداء النقاب


واخر حاجة لو كنت مزعلة حد يسامحني

[الغيورة على الدين]

منتظرة تفاعلكم يا بنات

[((محبه عائشه))]

السلام عليكم بارك الله فيك اختى الغيورة وانا معاكى باذن الله بس مش عارفه ازاى هتتنفذ

[نووونا]

وانا هعاكي ان شاء الله
فكرتك جميلة

[مدرسه مع ايقاف التنفيذ]

انا 23سنه ممكن ولا

[الغيورة على الدين]

المشاركة الأصلية كتبت بواسطة ((محبه عائشه))

السلام عليكم بارك الله فيك اختى الغيورة وانا معاكى باذن الله بس مش عارفه ازاى هتتنفذ

وعليكم السلام ورحمة الله وبركاته

وفيكم بورك ياقمر : )

تشرفينا

وان شاء الله هتعرفي كل حاجة

تابعينا بس

..

[الغيورة على الدين]

المشاركة الأصلية كتبت بواسطة نووونا

وانا هعاكي ان شاء الله
فكرتك جميلة

انتي الاجمل : )

تنورينا حبيبتي

بس يا ريت تتابعينا

..

[الغيورة على الدين]

المشاركة الأصلية كتبت بواسطة مدرسه مع ايقاف التنفيذ

انا 23سنه ممكن ولا

طبعا حبيبتي

وفي انتظار خبراتك معانا

ولو تقدري تكوني معانا في تقديم الكلمات او التحضير او غيرها تشرفينا : )

وتابعي الموضوع

..

[((محبه عائشه))]

السلام عليكم اختى الغيورة لم تشرحى لنا الفكرة بعد نحن فى انتظاروتشويق للفكرة

[uouo love]

موضوع رائع ماشاء الله
انا معاكم بأذن الله

[الغيورة على الدين]

[quote] السلام عليكم اختى الغيورة لم تشرحى لنا الفكرة بعد نحن فى انتظاروتشويق للفكرة
[/quote


***********

وعليكم السلام

شرحتها فوق حبيبتي

..