الامتحانات قربت لازم اذاكر بجد (متجدد)

[invent_yas2020]

بسم الله الرحمن الرحيم

انتا عارف ان الوقت بيجرى ولازم تحس بالمسئوليه فعلا علشان لما ييجى وقت الامتحان متخافش ابداً (دى ثقه)
وقبل ما تقرا معايا الكلام ده
لازم تشيل من دماغك اى فكره(سيئه) متفكرش فى يأس او تشاؤم او...>شلتهم من دماغك؟<متحاولش تفكر فى غير فى اللى هقوله
واحسبها كويس
وعيش معايا الاحاسيس دى (اوعى تنسى.. متفكرش فى حاجه غير اللى هقولهولك).
علشان نقدر نذاكر لازم
نتابع بعض (اللى عنده مشكله يقولها ونفضفض)واحنا كلنا نساعده ونحلها له(كده كلنا هنذاكر)
لان احساسنا(الحماس) تجاه الذاكره بيتغير دايما (بيقل مع الوقت)
ولو نفسك تذاكر بجد اقرا النقاط دى وافتكرها كويس:
1/ طاعة الله..>اهم حاجه<تكون عايز ربنا يحبك ويديك على قدر حبك ليه (مش مجرد كلام لاء بالعمل)
والله لو جربت تصلى هتلاقى حياتك لذيذه جدا
(طالما انك بتصلى لما تفكر فى أخرتك وتكون عملت واجباتك هتلاقى نفسك سعيد ومش عايز حاجه تانيه )
مذاكرتك معمره بحب ربنا وثقته!!.. يااااااه لو حسيت بالاحساس ده

2/ اعرف اهدافك كويس >وفكر فيها دايما<..ترضى (ربك) لان دى مسئوليه ملزمه منك>هتتحاسب عليها<و(اهلك) اللى نفسهم تكون حاجه كويسه >متضحكش على نفسك.. انتا كده هتضيع مستقبلك بأيدك< وخليك ذكى ومتفائل انك هتكون زى حد انتا بتحبه ونفسك تكون زيه فى العلم (علشان بلدك اللى المفروض انك بتحبها)
والله مش صعبه بس خليك طموح مش هتخسر.

3/ لو عندك مشكله (نفسيه،اجتماعيه) الجأ لربنا واشكيله همك بجد وفضفض مع حد بترتاحله(صديقك) ..وحاول تمارس هوايتك وانتى مضايق )ارسم،ألف بيت شعر او حكمه مثلا) ومتفكرش في المشكله..كده هتتحل فى وقتها.
افتكر النصائح الصغيره دى كويس وحطها فى دماغك وكررها كل شويه:

* ثقتك بربك هتخليك سعيد من المذاكره واعرف كويس انك تقدر وانتا قدها فعلا.

* بص لاصحابك اللى جايبين (جيد جدا وامتياز) <واقعد معاهم واستفيد منهم> واعرف انك كان ممكن تكون واحد منهم...انت اكيد زعلان على نفسك <ولو مش زعلان هتحس فعلا بعد فوات الاوان> ولازم تقول بقوه (انا هكون متفوق زيهم)

* قول (البلد دى لازم لازم تتغير) وانا... هعمل اللى مطلوب منى
* احساسك (بالفخر والسعاده)<مش فخر على الناس!>وانتا بتذاكر وبتحضر محاضراتك كده هتحس ان ربنا بيحبك فعلا وهوا ده ( الانسان الراقى اخلاقيا)

* الوقت بيجرى والامتحانات بتقرب فأنت لازم تذاكر بجد واِلاا... ولازم افووق من اللى انا فيه (وعمرى ماهخاف طالما بذاكر)
واستغفر ربنا كتير<استغفر الله العظيم حقا> كده مش هتخاف من الامتحان

* وافتكر اقوال العلماء <وحاول تحس تعبو قد ايه>وتذكرالاقول دى كويس جدا
قال تعالى:<بسم الله الرحمن الرحيم>
(ان الله لا يضيع اجر من احسن عملا) <حس الايه دى بجد>
(ولا تيأسوا من روح الله إنه لا ييأس من روح الله إلا القوم الكافرون)
صدق الله العظيم < حقاً >
و(الفشل طريق النجاح) <بلاش يأس وحاول واصبر..هتوصل لهدفك>
(لا حياة مع الياس) لازم تكون متفائل
وهقولكم حاجه... كل ما بفضفض مع حد زيكم كده (وانا وبكتب الموضوع) حماسى تجاه المذاكره بيزيد اكتر
،هنكمل مع بعض وهنقول طرق للمذاكره وازاى نخلى مذاكرتنا فعاله ونصائح <مش نظريه> والخ....
طبعا انا لخصت موضوع(اياك تذاكر) على امل اننا نساعد بعض بجد ونتناقش مع بعض بالتفصيل
(متنسوش اللى عنده مشكله يقولها)
وطبعا فيه مفاجئات جايه بفضل الله.
والموضوع الاصلى الرابط ده اضغط هنا (استفيد بالمعلومات الشيقه)
والسلام عليكم ورحمة الله وبركاته

التعديل الأخير تم بواسطة محمود المخترع; اليوم، الساعة 02:59 PM

[invent_yas2020]

بسم الله الرحمن الرحيم
يجب ان تفهم جيدا وتفكر كويس فى اللى انا هقولهولك ده وتحاول تحس معايا الاحاسيس دى بجد.
وقبل ما تقرا اى موضوع زى كده لازم تضع فى دماعك حاجه واحده انك هتقتنع باقل كلام يشجعك وتشيل من دماغك الافكار السيئه
اولا: اسأل نفسك الاسئله دى وحاول انك تجاوب نفسك؟
1/ ليه انا مش بذاكر؟!!
2/ لحد امتى هكون طالب فاشل او مش بذاكر؟!!
3/ هوا انا ليه مفكرش انى اكون زى الطلبه العباقره والطلبه المتفوقين واكون زيهم فعلا او اكون عالم او مبتكر مثلا ؟!!
4/ ليه انا مش عارف مصلحتى كويس ومش بحس انى ملزم بأى مسئوليه و انى هتسأل يوم القيامه عن نفسى (جسمى ،عمرى،......) وانى هتسأل على علمى عملت بيه ايه؟!!
5/ هو على حالى ده ربنا راضى عنى؟!!
6/ هوا الطلبة اللى بيذاكرو دول بيستفادو ايه؟!!
7/ لحد امتى هيكون الناس تفكيرهم رجعى ومش عارفين مصلحتهم كويس؟!!
8/ هوا امتى البلد دى هتتقدم بينا؟!!!!!
9/ ليه مقولش مصر المباركه الطيبه وفيها علماء زينا مثلا واحنا اللى هننهض بيها؟!!
10/ هوا انا مش ممكن بمذاكرتى اكون زى العلماء دول؟!!
11/ هما العلماء دول ناس حمقا او اغبياء لانهم اختارو فعل الخير واختارو انهم يساعدو بلدهم ويساعدونا شخصيا عشان نعلم حاجه كويسه نشرف بيها بلدنا؟!!
12/ هوا انا ليه احساسى تجاه المذاكره بيقل دايما وتجاه الحاجه الكويسه بيكون اتجاهى مفيش حماس قوى؟!!
13/ وليه انا لما بذاكر كويس وحماسى يكون قوى بيضعف تانى؟!!
14/ هوا عمل الخير دلوقتى بقى حماقه ......ولا الانسان هوا اللى جاهل.. ولا ايه السبب؟!
15/ طب وليه مبقاش صريح مع نفسى دايما وصريح مع ربى ويكون احساس الصراحه حقيقى تجاه كل امور حياتى وحتى تجاه المذاكره ؟!!
16/ وهل من حماقة الانسان ان يفعل الخير ويترك الشر... او يفعل الشر ويترك الخير (مثل ترك الصلاه)؟!!
17/ ليه محسش كويس جدا بمحبة ربنا ليا او محبتى ليه؟!!
18/ ليه مش حاسس كويس بالمسئولية اللى عليا من (بلدى وربى واهلى) اللى حقهم عليا والمطلوب منى
تجاههم ؟!!
19/ ليه ميكونش ليا دعوه بالافكار الشيطانيه اللى بتسبب دمار للفرد والبلد؟!! (فكر كويس فى دى!!)
20/ وده اخر سؤال لازم اسئلو كويس لنفسى وكل شويه يتكرر جوايا وهوا
(ليييييييه انا مصمم انى اكون احمق او غبى ومش بفهم اللى المفروض اعمله ومش بستوعب الاسئله دى كويس؟!!!!!)
اسف جدا على اللفظ ده بس مضطر لكده علشان نعرف كويس احنا بقينا فين بسبب تخلفنا وعدم تقدمنا امام العالم والعالم كله بيتقدم حولينا واحنا لسه زى ما احنا (بلاش اغلط تانى).

ودى معلومه او موضوع مهم هقوله علشان يزود حماسك على المذاكره (ومن خلاله هجاوب اجابه دقيقه على بعض الاسئله السابقه)
من السؤال رقم 16 نستنتج ان:
(المذاكره مثل الصلاه)
احساس قبل المذاكره نفس احساس ما قبل الصلاه ازاى؟ لو قارنت بين حماسك قبل ما تصلى اصلا ويكون الشيطان متربصلك وعاي يسيطر عليك بكلامه ويقولك مثلا متصليش ويقعد حط فى دماغك افكار غريبه وانتا بتقنع نفسك وتصدقها!!!!!!.
اما لو انتا بتحب ربنا حقا ونفسك تكون فى الجنه ومتشوفش النار خالص وبتحب الصلاه مش بتصلى اجبار او كده
اكييد هتصلى وهتتقن فيها ومش هتسمع للشيطان اصلا.
نفس الحال فى المذاكره، والله هتلاقى الشيطان عمال بيصورلك حجج و افكار ملهاش لزمه ويفكرلك فى اى طريقه علشان يغلبك بيها ويخليك متعملش الطاعه دى (المذاكره يعنى).
طب نشوف اصل الحكايه من الحكمه الالهيه من حديث وتحدى الشيطان لله سبحانه وتعالى:
قَالَ فَبِعِزَّتِكَ لَأُغْوِيَنَّهُمْ أَجْمَعِينَ (٨٢) إِلَّا عِبَادَكَ مِنْهُمُ الْمُخْلَصِينَ (٨٣) قَالَ فَالْحَقُّ وَالْحَقَّ أَقُولُ (٨٤) لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ (٨٥) قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ (٨٦) إِنْ هُوَ إِلَّا ذِكْرٌ لِلْعَالَمِينَ (٨٧) وَلَتَعْلَمُنَّ نَبَأَهُ بَعْدَ حِينٍ (٨٨) صدق الله العظيم سورة (ص)
ولو شوفنا التفسير هنفهم القصه صح
نجد ان الشيطان بيحلف بعزة ربنا انه هيخلى البشر كلهم يسمعو كلامه ويتبعوه بغير الحق بمعنى (يغويهم)
ونعرف الشيطان كده واثق من نفسه اوى وثقه قويه لانه حلف بعزة ربنا وانه بردو ما كنش قليل لان كان طاووس الملائكه لانه كان اعلم واحد فيهم ،بس بردو قال الا عبادك المخلصين يعنى مش هيغوى الكل يعنى مهما كان ثقته بنفسه قويه مش هتكون اقوى من ارادة خالق العزه والفخر،وان الخير هوا اللى هيكون فى النهايه وطالما ان الخير بنتصر على الشيطان والقوه والحكمه الالهيه اقوى منه وهى الحق والخير وهم موجودين فى الدنيا
اذاً لازم ننتصر على الشيطان ونسيطر احنا عليه بخيرنا وحقنا فى ذلك وعشان ونذاكر صح ومنسمعش كلام الشيطان خالص لكى نكون احنا (عباد الله المخلصين).
وان يكون تذكر لايات الحق ذى ما ربنا قال انها تذكره للعالمين واننا هنشوف فعلا ان الخير سينتصر والله سينتصر فى النهايه ولا ننسى ان الشيطان سيقول ( إني بريء منك إني أخاف الله رب العالمين)
فلازم تكون ذكى وتذاكر وتتفوق علشان تغلب الشيطان بالحق(المذاكره والصلاه)
وبجد يا جماعه اللى مش هيفهم فكرة الموضوع ده يحتاج الى دروس متخصصه فى
(الدين،التنميه البشريه والصفات الاساسيه زى الحق والحكمه والثقه والمسئوليه ويعرف اصلهم كويس وهكذا)
ونتمنى ان فكرة الموضوع الناس كلها تفهمها كويس.
نكمل منع بعض:


وبعد ما حماسك زاد تجاه المذاكره احب اقولك حاجات تعملها هتفيدك اوى (كلام عملى ومجربينه)
1/ امسك الكتاب على طول من غير ما تنوى انك تذاكر(فاكر ايام الامتحانات لما كلنا ملحقناش نذاكر) لو نويت وقولت ربنا يسهل الشيطان هيلعب دوره
اقرا فى الكتاب (من اول ما اخدت فى المحاضره لغاية ما انتهيت وتكون عامل علامه فى كشكولك وعارف رقم الصفح)
2/ افتكر فى وقتها ال20 سؤال واهدافك من المذاكره علشان متملش من المذاكره
استعين بالله واستغفر ربك وابتدى اقرأ (قراءه سريعه ولكن بفهم كانك بتقرا مجلة) طب انهى ماده هذاكرها كده هقولك
(القانون والاقتصاد) هتذاكرهم بطريقة المسح والتكرار
3/ لو فيه نقطه او جمله او كلمه مش فاهمها سيبها على طول ومتخافش هتفهمها والله بعدين لما تدخل فى الكتاب
(متنساش انك بتقرأ محاضره كامله من الكتاب يعنى 30 صفحه مثلا) اكتب الكلمات والعناصر المهمه ورتتب افكار المحاضره فى دماغك او (تلتزم بطريقه من الطرق العامه)
4/ لو لقيت نفسك بتمٌل كمل قراءه وحط فى دماغك (وتقول ياااه ده انا قربت اخلص) وهتكون خلصت ييجى خمس الكتاب او ربعه وبردو تقول (ده انا بذاكر من الكتاب ده المذاكره من الكتاب دى بتاعت الناس المتفوقه) وانا زيهم
ولو لقيت نفسك تعبت من المذاكره (هتعمل الطريقة بتاعت عدم الملل بتاعت الطالب العبقرى (السجود)) وبعدها هتكون نشيط وترجع تكمل تانى
5/ وهات ملازم وذاكر منها وافه منها وعلى فكره الكتاب فى القانون والاقتصاد لذيذ جدا وسهل
اما بالنسبة للأكونتنج والبيزنس هات ملازم (من اى مكان ترتاحله) وذاكر فيها


الفيديو ده و باقى الاجزاء بتاعته لدكتور التنمية البشرية/ابراهيم الفقى



هيخليكم تعرفو قيمة الوقت ويخليك تنشط من مهاراتك وتقوى قرائتك


ولو حصل معاك مشكله قولها واحنا متابعين

والسلام عليكم

[mahmoud_khedr]

اهو كده كله يقراه كويس انك عرفت ت***ص فيه اي حاجه

[mina_totti65]

والله الموضوع ده جه فى وقته فعلا يا مخترع واهم حاجة لافتت نظرى فى الموضوع الاسئلة ال 20 اللى انت كاتبها
فعلا لو الناس جاوبتهم هيعرفوا حاجات كتير اوى عن نفسهم
ساعات الواحد بيبقى متضايق او مش عايز يزاكر او فى حاجة شغلاه
و لما تسأله فى ايه يقولك
مش عارف لان هو بيبقى مش عارف ماله اصلا
يعنى مش قادر يحدد موقفه
فبالتالى يعنى العشرين سؤال دول لو كنا صريحين مع انفنسنا
وجاوبناهم بصراحة هنعرف حاجات كتير اوى
وهنلاقى نفسنا فى الاخر وصلنا لحاجة وياريت لو حد عايز يعرف اكتر يشوف
الفيديو ده و باقى الاجزاء بتاعته لدكتور التنمية البشرية/ابراهيم الفقى



و ان شاء الله نبتدى نزاكر من دلوقتى وانا و باقى المجموعة هبنداء تنزيل المواد والمحاضرات وورق الشرح بتاعها ان شاء الله

وهيبقى ليا مشاركة تانى فى الموضوع ده ان شاء الله يا مخترع عشان مطولش عليكم

[mina_totti65]

لينك اليوتيوب ده فيه كلام للدكتور عن كيفية استغلال الوقت بطريقة صحيحة و اهمية القراءة والتعمق فى مجالك
وياريت نشوف باقى الفيديوهات عشان مهمة اوى فى جزء التحفيز

[invent_yas2020]

بص للصوره دى واحلم معاها ومتخليش سبب يوقفلك حلمك ده



انظر لذلك العام العبقرى احمد حسن زويل .....ايه السبب اننا منبقاش زيه او ربعه حتى
والله نقدر بس نغير من نفسنا الاول
تكملة الموضوع: ده حوار مع اخت (قلقانه لان الامتحانات قربت)
اولا عايز اقولك متخافيش ان ش الله تقدرى تلمى المواد
القانون: (اقرى من الكتاب اللى تقدرى عليه وتكتبى العناصر والكلمات المهمه فى ورقه وبعد كده تبقى تراجعى عليهم(هتكونى فهمتى وحفظتى كمان)
الاقتصاد:اقرى بردو نفس الكلام اللى عملتيه فى القانون ورتبى افكار الماده وعناصرها فى دماغك زى القانون
محاسبة الشركات: هاتى ملزمه (شمس او الحرم)او التطبيقات وحلى كتير وشوفى الاجابه واتعودى تحلى لوحدك بالورقه والقلم
الاكونتنج :حلى عليها كتير واحفظى الكلمات اللى بتتكرر معاكى(ملازم اكيييد)
البيزنس: دى عايزه حفظ كتير بواسطه الكلمات والجل اللى بتتكرر معاكى هتتحفظ اكيييييد
وياريت تشرفينى فى (الامتانات قربت لازم ازاكر بجد) فيه نصائح كويسه علشان الخوف من الامتات والثقه وهيفيدك جامد براحتك النفسيه والصحيه والخ
الاكونتنج:مينفعش المواد العملى تتذاكر من الكتاب (تتذاكر من ملازم شرح) وتتفهم ويتحل عليها كتير علشان نتعود
ولو حصل معاك مشكله قولها واحنا متابعين
والسلام عليكم

[invent_yas2020]

نصائح مهمه جدا جدا:
1/ استغفر ربك كتير اوى لان ده اهم سبب يضيع الخوف ==> قول كل شويه (استغفر الله العظيم) وبأذن الله ربنا هيكرمنا وثق ان ربنا واقف معاك
واهم ما فى الموضوع ==>الحفاظ على طاعة الله
2/ لما تحس بملل قبل ما تذاكر وانك ==>(مليش نفس اذاكر) فكَر 3 دقايق مع نفسك فى ايام
الامتحانات< بتاعت الترم الاول ..فاكرها ؟ اوعى تقوللى لاء> افتكر الذكريات والمواقف (المضحه ،واللى أثرت فيك) و فكر فى اهدافك الحقيقية........
هتلاقى نفسك بتقول==>(لازم اذاكر علشان مقعش فى نفس الاخطاء اللى وقعت فيها ايام الامتحانات)
وفيه معلومه مهمه جدا:
انتا لو نظمت وقتك وضبطه على مواعيد الصلاه هتلاقى انك نشيط دايما (ده علميا) ويكون نظام يومك ماشى بحيث انك هتروح تصلى الفجر مثلا وترجع تذاكر وتفطر و..... وتروح تصلى الظهر وترجع بردو تذاكر و.....تصلى العصر و...
وهكذا (والله لو جربت هتلاقى نفسك من المتفوقين ده غير راحتك النفسيه)
على فكره اغلبية الطلبه ايام الامتحانات ماشيه على النظام ده <حقيقه>
وافتكر انك لازم تشد حيلك بجد ومفيش دلع.
وربنا يوفقنا يا جماعه لان فعلا اكيد والمفروض ان كل الناس بتذاكر
(متنسوش اللى عنده مشكله يقولها)
كده تمام اوى
السلام عليكم ورحمة الله بركاته وربنا يوفقنا يا اصدقائى

[invent_yas2020]

نكمل يا اصدقائى (ده لو هيضايكم ههه):

هناك اغذية تساعد الابناء وتمدهم بالطاقة ففى هذة الفترة يعانى يعانى الطلبة من بعض الحالات المتضاربة :
(ارق؛تعب مزمن؛صداع مستمر؛وقد يعانى بعض الطلبة من الضعف العام والاكتئاب)
وقد ثبت ان اتباع نظام غذائى متوازن لة اهمية خاصة جداا ؛فالغذاء الذى يحتوى علىكمية جيدة من النشويات والفواكة والخضراوات يوفر الطاقة التى يحتاجها الجسم فى هذة الفترة وتناول كمية مناسبة من البروتين مهم جداا لغذاء المخ وقد ينصح بعض الاطباء الاخصائيين باخذ مكملات من فيتامين b12 بالاضافة الى فيتامين c؛a والحديد والزنك لعلاج التعب المزمن لكى يبقى اتباع نظام غذائى متوازن خيار افضل من تناول هذة الاقراص المكملة ؛فبقليل من النظام سواء فى النوم او الرياضة او الغذاء يستطيع الطالب الحصول على التركيز المنشود لمعاوانتة على المذاكرة.
اليك هذة التغذية والمشروبات المفيدة فى هذة الفترة من العام:
*اولا : التغذية:
1_تناول طعاما متوازناا 50%منة اطعكة نيئة وعصائر طازجة.
2_يجب ان يكون معظم طعامك من الفواكة والحبوب والخضراوات الكاملة.
3_تناول بانتظام منتجات الالبان الحامضة مثل الزبادى واللبن الرائب للتغلب على الاجهاد المزمن.
4_تناول الكثير من الماء على الاقل 8 اكواب يوميا بمعدل كوب ماء كل ساعتين او تلات ساعات بالنهار.
5_الاستحمام بمام بارد بشكل منتظم قد يحسن اعراض الاجهاد المزمن ومع ذلك فالمصابون بامراض القلب والجهاز الدورى او اى مشاكل صحية خطيرة يجب عدم استخدام الماء البارد الا بعد استشارة الطبيب.
6:تناول قدراا قليلا من الحوم الحمراء.
7:زاول التدريبات والرياضة بانتظام(فالجسم السليم فى العقل السليم).
8:احرص على النوم واخذ الراحة الكافية للمساعدة على التكيز.
9:تناول السبانخ والطماطم فهذة الاطعمة تحتوى على الثيرامين الذى يزيد من افراز مواد تحفز المخ ويتحسن ان يكون وقت تناولها بعيدااا عن وقت النوم.
10:ابتعد عن الاطعمة المقلية والمملحة والمعباة والسكر والدقيق الابيض.
ثانياا:المشروبات:
1:الكركدية يعتبر منبهاا للاعصاب كما يفيد فى حالات البرد والوقاية منهاونظراا لوجود نسبةعالية من املاح اكسالات الكالسيوم فانة يعتبر شراابا غير مناسب لامراض الكلى كما يستحسن عدم تناولة فى حالة ضغط الدم النخفض.
2:العرقسوس وترجع قيمتة الغذائية لاحتوائة على نسبة عالية من النشويات والسكريات وعلى بعض الاملاح وهذة تمد الجسم ببعض احتياجاتة من السكر والنشا التى تفيد فى فى عمليات الاحتراق الازمة للمجهود الجسمانى لكن ينصح بالقلال من استخدامة او الامتناع نهائياا عن شربة فى حالة ارتفاع ضغط الدم ومرضى القلب والذين يعانون من امراض السمنة.
3:التمر الهندى ويؤخذ نصف كوب بعد الاكل .
4:الزنجبيل وهو مفيد جداا للمخ والاعصاب .
5:الشاى ويتحب الشاى الاخضر حيث ان الشاى الاحمر يحتوى على نسبة عالية من الكافيين وحمض التينيك وباضافة قليل من اللبن الحليب علية يترسب حمض التييك الذى يسبب الامساك ويتحسن عدم غلى الشاى بل ينقع فى الماء المغلى لمدة 3 دقائق فقط حيث ان الغليان يفرز مافى الشاى من مواد قد تكون مضرة.
الصحه الغذائيه منقوووووووول
ولو حصل معاك مشكله قولها واحنا متابعين (انتظرو لقاء اخر)
والسلام عليكم

[مروة محمد فراج]

انا نفسى فى جدول منظم اذاكر واطلب من ادارة بوابة الثانوية العامة المساعدة

[محمود المخترع]

المشاركة الأصلية كتبت بواسطة مروة محمد فراج

انا نفسى فى جدول منظم اذاكر واطلب من ادارة بوابة الثانوية العامة المساعدة

السلام عليكم
اولا حضرتك انا عضو عادى مش من الاداره ولا حاجه
ثانيا
بالنسبه للجدول هوا فيه فيديو طويل ممكن حضرتك تنزليه على جهازك وهتعرفى من خلاله ازاى تعملى جدل وبالتفصيل الممل
والرابط اهو
http://www.4shared.com/file/226803134/8826abf/__online.html

انما لو حصل مشكله ومأمكنش انك تشوفى الفيديو
بقول لحضرتك كاتم نصيحه وهى:
1/ حددىالمواد واكتبيهم فى ورقه
2/ حددى افضل وقت ممكن تذاكرى فيه وهوا طبعا اما من الفجر للصبح او وقت الزروه 12.00 بعد صلاة الظهر لغاية ما تخلصى على حسب عدد ساعات مذاكرتك ممكن لغاية صلاة المغرب مثلا
3/ وبعد كده امسكى مسطره واعملى خطوط بعدد الايام واكتبى فيها الاوقات وامتى ممكن تذاكرى الماده دى او الماده دجى
4/ اهم حاجه تضعى اوقات فعليه ولازم تلتزمى بيها وكل خانه تكون محل تفكير قبل ما تكتبى فيها هتعملى ايه؟
نصيحه ومعلومه: كل واحد وله جدول خاص بيه على حسب سنه وطريقة مذاكرته وسنته الدراسيه ومجهوده العقلى والبدنى والخ من العوامل المتغيره من كل شخص
ولو فى اي مشكله وقفت مع حضرتك انا تحت امرك
والسلام عليكم ورحمة الله وبركاته

[النانو تكنولوجى]

بسم الله الرحمن الرحيم

انا عندى مشكله فى ان المحاضرة الواحدة بتكون كبيرة اوى ومش لاحق اذاكرها لانى برجع من المحاضرات العصر على مااخلص واصلى نكون بقينا المغرب
المشكله بقى انى مبحبش اذاكر بالليل خالص ولو نمت عشان اقوم بدرى حتى لو قمت بدرى مش بلحق اذاكر حاجه خالص لان المحاضرة بتكون طويله وبتكون بالانجليزى فعلى مترجم الكلمات يكون الوقت خلص اعمل ايه مع العلم ان بحب المذاكرة بالنهار وده الوقت الى بكون فيه فى الكليه؟؟؟؟؟؟؟؟؟؟؟؟؟؟؟؟