![قديم](style12/statusicon/post_old.gif)
15-08-2016, 07:52 AM
|
![الصورة الرمزية محمد محمود بدر](image.php?s=e893d1445e198ae6f2b9949f6e984d57&u=325217&dateline=1378667962) |
نجم العطاء
|
|
تاريخ التسجيل: Nov 2009
المشاركات: 23,998
معدل تقييم المستوى: 38
|
|
تابع
طيب لو الفلوس جايه من سايح اجنبي؟
نفرض ان الخضري في مثالنا ده بدل ما يبيع خضار ب ٢٠٠ جنيه باع خضار ب ١٠٠ جنيه لمصريين و ب ٢٠ دولار لأجانب.
ده بيعمل حاجتين في الاقتصاد.
١- ال ٢٠ دولار اللي الأجنبي دفعهم دول فلوس داخله من الخارج علي الاقتصاد مباشره. بتزود الناتج المحلي الكلي بقيمتها الكليه و بدون حاجه انك تطبع فلوس.
٢- بتدخل عمله صعبه مباشره للاقتصاد و اقتصاد مصر زي ما شفنا عنده مشكله كبيره في العملات الصعبه (وشرحنا ده بالتفصيل).
لذلك مفيش سياحه محليه حتعوض ده الا اذا كانت بدل ما الخضري يروح يصيف بره مصر او يعمل عمره في السعوديه انه يصيف في شرم الشيخ لانه في الحاله دي بس وفر العمله الصعبه اللي كان حيحتاجها لو سافر بره و كمان دور الفلوس دي جوه مصر في اقتصاد مصر بدل ما تدور في اقتصاد خارجي.
ايه موضوع انهم بينزلوا الاسعار في شرم الشيخ عشان المصريين ييجوا؟
و طبعا المصريين زعلانين من كده. و بيقولوا في الاعلام دوروا علي الغالي عشان تساعدوا اقتصاد مصر!
![006et4](images/smilies/006et4.gif) ![006et4](images/smilies/006et4.gif)
و الله بيضحكوا عليكم.
اي سلعه حتي الليالي في الفنادق السياحيه تخضع للعرض و الطلب. لما الطلب يزيد السعر يزيد. و لما الطلب يقل السعر يقل.
طيب لو مفيش سياح يبقي أكيد الطلب يقل يعني السعر لازم يقل جدا. و طبعا رجال اعمال شرم الشيخ مش عاوزين كده. لكن هو لازم حيقلل السعر جدا للاجنبي عشان ميقدرش يضحك عليه. يقوم عشان يعوض ده يعمل حمله في مصر انه عيب تقليل السعر. عشان لما تروح انت شرم الشيخ و تدفع أكتر من الأجنبي تحس كده بالوطنيه و بالفخر.
بينما انت عملت فايده بس لرجل اعمال شرم الشيخ. و لا حتي العمال في الفندق استفادوا من الفلوس الزياده دي لانها رايحه مباشره لرجل الاعمال و الموظفين دول دخلهم ثابت.
مبروك عليك انهم ضحكوا عليك.
![:o](images/smilies/ohmy.gif) ![:o](images/smilies/ohmy.gif)
كلمه اخيره
مينفعش بلد زي مصر في منطقه غير مستقره زي دي تعتمد علي السياحه بس. مينفعش. لازم التصنيع يا ناس يا هوه.
و الله تعبنا من الكلام ده.
|