السلام عليكم جزاكي الله كل الجزاء
أنا حالتي شوي غريبة لسة ماعرفتش لها تفسير
عمري أربعة وعشرين متزوجة من أربع سنين وأتمنى الذرية
حملت من أول زواجي بس ماكمل واليوم إلي بدو الحمل يتوقف حلمت بأستاذ كان بيدرسني بالإعدادي ماسك مسدس بإيديه وأنا وأختي وكثيييير ناس بغرفة كبيييرة وأنا وأختي ساعتها كنا حوامل وبيجي لعند كل شخص وبيقول لهذا إنتا رح تبقا ويقول لهذه إنتي رح تبقين يعني مارح يطخهم بالنار وهكذا في إلي بيطخهم وفي إلي مابيطخوا وحتى وصل لعند أختي وأختي صراحة مؤمنة دايما القرآن والصلاة بوقتها عكسي أنا فإذا بيقول لها إنتي مارح أطخك وهي فرحت فحة كبيرة ولما وصل عندي قال لي إنتي بس لديكي شهر مدة شهر لازم تصلي وطخني بصدري وشفت الدم ونا أقول له لاااا وأبكي أبكي وأقول له لا أرجوك ماتطخني لكن لما طخني بالمسدس بصدري أنا إجاني إغماء
ومن بعدها بشهر إكتشفت إنو الحمل توقف من ساعت ماحلمت بهالحلم والإغماء إلي حسيت فيه تماما مثل إلي حسيت فيه من لما عملولي التنضيف
إلي بدي أعرف هو أنني دايما لما تبي تجيني الدورة وأنا أكون بدي أحمل أحلم قبل بيومين بالدم سواء صباغة حمرا أو أحلم برؤوس مقطوعين أو جرح فيه دم أو نزيف المهم بالضبط قبل لاتجيني الدورة بيومين ومن لما حملت المرة الأولى صراحة ماحلمت نهائي وإستغربت وطلعت حامل لكن كيف ماقلت لما بدو يتوقف الحمل حلمت بهالحلم ولما حلمت الرجل طخني نهضت أبكي بصورة هيستيرية وصار عإجهاضي عامين وثماني شهور وأختي تممت حملها عخير ولحد الآن كل شهر أحلم بالدم المهم اللون الأحمر وأنا الآن بصلي وبقرأ قرآن
عفكرة لساتني من يومين حلمت إجاتني الدورة وببدل الفوط الصحية أعزكم الله وحزنت عرفتها رح تجي مابكون عاملة بالي مع هالأحلام وبحلم فيها الله المستعان وبكرة موعدها أصلا
سامحيني عالإطالة والله محتارة بجد تسجلت بالمنتدى لأني فرحت لما لقيت هيك تجمع بتفسرون فيه الأحلام وأنا بتذكر كل أحلامي صراحة
مشكورة أختي مسبقا الله يجازيكي كل خير