في البدايه الكلمات جميله يا منه
بالنسبه بقي للموضوع والرساله الاصليه اللي فيه
بصي يا منه
غالبا " تأتي الرياح بما لا تشتهي السفن "
وغالبا الحياة بتخلينا نعمل حاجات احنا مش عايزين نعملها
بس بعيدا عن كل ده وعن ايه اللي حصل وعن الشخص ده عمل كدا ليه
لازم تقولي الحمد لله
وبعدين الحاجات دي والحب والارتباط والزواج دي بتدخل في مجال القدر
والله يا منه لو الشخص ده ليكي مش هتاخده انسانه في الدنيا غيرك
ولو مش ليكي لو عملتي ايه باللذي عمرك ما هتاخديه
انا كنت اعرف بنت بتحب ولد بقالهم 8 سنين
متربيين مع بعض
ولما كبروا حصلت مشاكل وبعدوا
وهوا سافر
وهيا اتخطبت
اول واحد خطبها
حصلت مشاكل بينهم ومحصلش نصيب
تاني واحد نفس النظام
وهو خطب واحده ومحصلش نصيب
وفات يجي تلت اربع سنين
رجع من السفر
واتجوزوا
ومعاهم بيبي صغير دلوقتي
قدر يابنتي
يبقي انتي تقولي الحمد لله
وتقولي لعله خير
ويبقي عندك ايمان
وبعد كدا اللي عايزك يجي من الباب
واللي شاريكي يجي من الباب
عشان حياتك تستقيم
قربي من ربك بردو عشان يلهمك الصواب
والحزن واليأس اللي انتي فيه ده
فراغ ايماني
وعايز اقولك قاعده كمان
اوعي تعلقي احلامك واحاسيسك علي ارض مش صلبه
الشخص ممكن يخون يكره يسافر يموت
لكن لما تكوني علي علاقه قوية بربك اللي هو حي لا يموت
اكيد مش هتتعرضي لكل ده تاني
ولا انا غلطان ياايمان ؟
ده اسمك حتي كله ايمان
يبقي يا ايمي نحمد ربنا ونقرب منه عشان يلهمنا الصواب
اتمني الافادة
