[Eslam_Tourism]

لكثرة الاستفسارات حول مهنة الارشاد السياحى ورخصتها وغيرها عملت الموضوع ده عشان اجيب على هذة الاسئلة :

1- ان دلوقتى خريج سياحة وفنادق قسم ارشاد سياحى هل حصولى على الرخصة بيبقى سهل ؟

جـ - عموما بيبقى فيه اختبارات فى النقابة او الوزارة للحصول على الرخصة ولكن يعفى منها خريجى اقسام او دبلومة الارشاد السياحى من الجامعات المصرية .

2- ان دلوقتى خريج السن او تجارة بس معايا لغة متمكن فيها جامد ( اسبانى مثلا ) ونفسى ابقى مرشد اية موقفى من رخصة الارشاد ؟

جـ - انت طبعا دلوقتى خريج متمكن من اللغة ( ده المفروض ) فبيتعملك اختبار فى النقابة امام مجموعة من اساتذة الجامعات واللغويين الصراحة انا معرفش الاختبار ده بيبقى ازاى وبعديها بتبدأ فى اجراءات الحصول على الترخيص

3- كم مدة الترخيص ؟

جـ - خمس سنوات ( قابلة للتجديد )

4- هل هناك تكاليف او رسوم دخول للمتاحف والاماكن السياحية لحاملى الرخصة ؟

جـ - يعفي المرشد المرخص له بمزاولة المهنة من رسم دخول أماكن الآثار والمتاحف والمعارض التابعة للدولة

5- كم عدد المرشدين السياحيين خريجى قسم الارشاد السياحى ؟

جـ - 6845 مرشد

6- كم عدد المرشدين السياحيين اللى نجحوا فى امتحان القبول ؟

جـ - 2303 مرشد

7- كم عدد المرشدين الذكور والاناث ؟

جـ - 9364 ذكور و 3970 اناث

8- كم راتب المرشد السياحى ؟

جـ - الراتب 200 جنية فى اليوم وقد يزيد او يقل على حسب اللغة التى تمارسها وكلما كانت اللغة نادرة كلما زاد الراتب وانت وشطارتك

9- هل الوظيفة متعبة او مرهقة ؟

جـ - الصراحة متعبة وخصوصا فى الصيف بس متقلقش كل ما تفتكر المرتب هتحس انك مش حران خالص

10- اية مواصفات المرشد السياحى ؟

جـ - انك تكون لبق وحسن التصرف والقدرة على القيادة ومواجهة الازمات والمواقف الصعبة وتكون شخص لطيف وطبعا متمكن جدا من اللغة والمظهر العام يكون كويس وطبعا مثقف وبيقرا كتير ويكون متفرغ للارشاد فقط .

11- يعنى اية مرشد سياحى حر و مرشد سياحى غير حر ؟

جـ - المرشد السياحى الحر يعنى بيشتغل على مزاجه يعنى ممكن ينزل يرشد بوم او يومين ويريح طول الاسبوع براحته بعنى .

اما المرشد غير الحر فهو المرشد اللى شغال فى شركة سياحة وبيشتغل وفقا للبرامج السياحية الخاصة بالشركة يعنى على مزاج الشركة مش بمزاجه هو .

12- انا الصراحة نفسى ابقى مرشد بس خايف تكون فلوسى حرام ؟

جـ - عشان تحاول تتجنب ده متبصش على السائحات الاجانب خالص انا عارف انك هتبص غصب عنك بس عشان تكسب اخرتك لازم تضحى شوية وكمان حاول متروحش بالسياح اى اماكن فيها فيها مشروبات روحية ( خمرة يعنى )

والله اعلم برضو وانا مش مفتى الديار المصرية يعنى واللى عايز يتاكد اكتر فى الموضوع ده يبحث فيه بنفسه عالنت

تحياتى / Eslam_Tourism