بصوا بقى حيثيات الحكم علشان الواحد قرب ييجيله شلل خلاص
اقتباس:
وارتكز الحكم على خمس أسباب:
أولا: كان هناك خطأ فى تحديد الأعضاء الذين يحق لهم الاشتراك والتصويت، حيث وجدت اللجنة أنه تم قصر التصويت على اساس من سدد الاشتراك السنوى عن السنة التى أجريت فيها الانتخابات وهو الأمر الذى ادى إلى استبعاد بعض الأعضاء الذين يحق لهم حضور الجمعية العمومية قامو بتسديد الاشتراكات عن السنة السابقة فقط.
ثانيا: لم تقم اللجنة بما أوصاه القانون عليهم من إعلان كشوف اسماء الأعضاء الذين يحق لهم حضور الجمعية العمويمة قبل الانتخابات بـ15 يوما حتى يتثنى لكل مرشح معرفة عدد الناخبين، وهو الأمر الذى أدى إلى وجود العديد من الأخطاء التى صاحبت عملية التصويت، منها السماح لبعض الأصوات بالتوقيع فى الكشوف لبعض الأشخاص دون حضورهم.
ثالثا: عدم اطمئنان المحكمة  لعدم وجود توقيع موحد لنفس الشخص والبونت تحت اسم واحد فى كشوف الناخبين، بالإضافة إلى عدم وجود محضر فرز الاصوات ووجود بعض الشطب فى محضر الكشف
رابعا: عدم إطمئنان المحكمة
على سلامة وأمانة حفظ أوراق العملية الانتخابية من العبث والتلاعب بأوراقها وعدم تحريز المظاريف التى ضمت أوراق العملية الانتخابية وعدم وجود أختام عليها تنسب لأى جهة،
خامسا: عدم وجود النتيجة المجمعه للصناديق الانتخابية والنتيجة العامة للانتخابات.
وفى ختام حكمها أهابت المحكمة بالقائمين على أمر الرياضة فى مصر بضرورة القيام بمسؤولياتهم الإشرافية حتى يكون تشكيل مجالس إدارات الأندية معبرا تعبيرا حقيقيا عن إرادة جمهور الناخبين وهو الأمر الذى يكفل استقرار الهيئة الرياضية دون حاجه إلى تقديم طلبات للمحاكم لحل تلك المجالس
|
_ بالمنظر ده يبقى تقريبا كل الانتخابات اللى ف مصر باطله
_الاعلام كله عمال يقولك تزوير ومش تزوير وعباس يتسجن ومش عارفه
مال عباس و لا المجلس اللى موجود كله اصلا بالليله دى مش كان ف مجلس مؤقت ساعتها برئاسه دكتور عامر
وكان ف زفت لجنه هى اللى ماسكه الانتخابات و مشرفه عليها م 100 قاضى
_القضاه اللى عملو الانتخابات غلطو
الزمالك اللى يتعاقب ليه ؟ ياعنى ايه الغلط اللى حد م الزمالك علمه علشان المجلس يتحل و الفرقه تضيع و نرجع نعيد وجع قلب 6 سنين تانى
كنا جايبين القضاه دول م بيتنا مثلا و لا نجيب ملايكه تشرف ع الانتخابات احسن علشان المحكمه تطمن
_هو اشمعنى الزمالك اللى بيحصل فيه الحااجات دى؟؟؟
.(لو حد فاهم ياعنى ايه عدم اطمئنان المحكمه دى يقولى
ياعنى المحكمه مش مطمنه واحنا مالنا ماشالله معناها اطمنت
اول مرة اسمع عن حاجه ف القانون اسمها عدم اطمئنان اصلا )
_بجد داخل علينا ايام سوده مايعلم بيها الا ربنا
نفسى افهم واحد زى اللى مايتسمى ده مقتنع بفكرة انه زملكاوى ازاى ؟ ياعنى هو فاكر ان كده الزمالك هيبقى كويس و لا الناس اللى مسنداه دى كمان
اموت واعرف بتفكر ازاى و شايفه الوضع الزباله اللى احنا فيه انهى جهه بالظب
هنرجع بقى لمجلس معين كل 3 ايام و بعد كده نعمل انتخابات لو مرتضى نجح هتبقى حاجه منيله ب 60 نيله و لو منجحش هيرجع يرفع قضيه ع الانتخابات تانى و يكسبها بسبب مثلا ان القاضى ماقلش باسم الله قبل ما يعلن النتيجه او ان الاعضاء اغسلتش اديها قبل ما تصوت و نفضل ف الفيلم ده بقى