|
أحلام فتى صعيدي راضع كرامة
قصيدة باللكنة الصعيدي يا رب تعجبكم يا بوي يا أمة ..... مالك متجرفصة كده ليه؟ مش جادر أشوفك في الغمة ..... وجولولي يا خلج الغمة دي ليه ؟ يا ما صبرتي يا أمة ما نلتي ولدك علوان فكره ملان ..... ادليت الجوازات اجيب بازابورتي لابس جلابيتي وعمامتي وفي يدي عصايتي وهوصل طوالي عند عنان ..... اقوله يا man يا سعادة البيه رد يا راجل فهمني الفولة ..... رد وجولي عتخططوا ليه؟ وكيف عاوزانا الست الغولة ؟ ..... نبجى خواجات ؟ ولا ..... لع ما تخافش مش راح أجولها ..... وإن جولتها مش راح تفهمها ستك يا عنان على جفى الغلبان ..... جطعه ابونيه جول للهيئة اللي انت امينها جول للغولة جاي علوان هيخزج عينها جول للولايات ..... ولية ولية ..... كلمتين تعلجهم حلجات في ودنها اوعاكي تاجي عش الدبابير ..... كفياكي حط المناخير مشي كلامك على الخواجات واتحشمي جدام علوان كلامك دا مش عيصير هئ هئ هئ u s a علي ايه ؟ يو ..... اس الغلب وناره عملالي تمثال حرية ؟ يوووووو ...... يا بلد الحضارة وخده الجدارة في الهمجية يو ..... جولي لبوش بطل حركات الحلج حوش الولد الصغار حداكم ما بيسوووووش كفياكم لبس وشوش وش حجوج الإنسان جمعية رفج بحيوان ..... وش الحرية في بغداد وأبو غريب فهمان ...... وش تحرروا بيه النسوان وش يخلص كل الدنيا م الإرهاب في جنوب لبنان .... وأفغانستان .... وإيران كل وشوشك دي متخيلش علينا شايفينك بعنينا حتى العميان فينا بصران شايف وشك وش شيطان ..... أخواتي واعمامي واولا اعمامي واخوالي واولاد اخوالي جالولي به ..... اتجنيت يا علوان ؟ بجيت خرفان؟ الغولة يا ولد حداها شباح ..... راح نعمل ايه بالنبابيت ؟ واحنا حدانا صغار وملاح ..... لو حصرتنا الغولة يا خوي راح نلجى الزيت روح خليك فلاح بينا وبين الغولة سلام .... ما تخافش طول ما أنيابها بعيدة عن الغيط كانوا بيحكو معاي .... والشنبات الواجفة ادلت جولتلهم لع والفين لع وجريت وحدي رحت لجدي لجيته واجف بيصلي على سجادته اللي اتمدت لجيته بيدعي بيجول ربي //// ارفع غضبك والغمة عن احفادي وكل الأمة جلت في سري أميييييييييييييييين بصلي جدي وجالي مرحبتين واد يا علوان مالك ؟ شايف دمعة في بير العين جولتله شايف ..... لميته الجلب هيفضل خايف؟ سيف الغولة يا جدي هيجي اليوم ويكون على رجبينا طايف ... جالي اني عارف ..... يمكن وش الغولة مخيف بس كمان ملان تجاويف يجدر ينخر فيها الدود ... يدخل يعبر كل حدود هو يا ولد ضعيف السوس ؟ روح ادلا طيبة تجولك عن اواريس جبر الهكسوس ان كانت غولة يا ولد احنا غلان كل سنينا بتشهد لينا خايف يجي اليوم تبكي علينا علوان لم اخواتك واحكيلهم حواديت وعيهم ان البيت والغيط ما بيخافش م العفاريت ولميته نجرفص جنب الحيط سامعين الزيط اللي اتمصمص خيبته شفايف واللي اندس في جلبيته وخايف واللي اتدلدل شنبه الواجف واللي يحط اديه على خشمه وينزل عيط علوان لم اخواتك والعيلة حط اديك في اديهم تجوى هتصيروا الاجوى طول الجلب ما فيه التجوى لو فهمان صحي الغفلان ..... علوان .... رحت فين يا ولد ؟ آآآآآآآآآآآآآآآآه ..... راح الولد يجيب الديب من ديله لامحه هناك حاطط يده في يد العيلة ماشي الخطوة الأولى في سكة طويلة رايح يجلع جلب الغولة لاجل البيت والغيط والزيت تتبدل موت النبابيت في ادين علوان ولدي .... كبدي ..... علوان ..... علوااااااااااااااااااااااااااان |
أنا بصراحة زعلان لأني حريص على الرد على كل مشاركة جديدة في قسم الإبداعات مع إن مشاركاتي تفتقر لردود الأعضاء الكرام لا أريد كلمات إطراء أو مدح أنا أريد نقد أدبي لأي عمل أدبي اقوم بكتابته جزاكم الله خيراً |
اقتباس:
|
حلوه اوى يا استاذ احمد وبصراحه فعلا دى احلامنا كلنا
بس النهاية كده مش واضحه (انا مش فاهماها يعنى) يعنى علوان مات ولا ايه ولو مات طب مات ليه ؟؟؟؟؟؟؟؟؟ المفروض ان علوان ده رمز الحق والحق عمره ماهيموت ابدا ياريت حضرتك تبقى توضح الحته دى اما بالنسبة للنقد الادبى بقى فانا معرفش انقد كفايه انى بحس الكلام وبس وحقيقى روعه جدا وجميله اوى تسلم ايد حضرتك |
شكراً على مرورك وانك جبتي القصيدة دي من طي النسيان أنا كتبتها على المنتدى من فترة ومجاش ردود كتيرة عليها .. أما بالنسبة للنهاية فأنا اقصد فيها ان جد علوان وهو يمثل الحاضر فجأة ملقاش علوان جنبه .. أي أن علوان تحول إلى حلم كان يحلم به السابقون ويراه اللاحقون في أيدي الصغار الذين يحملون حجراً في وجه الموت .. قلوبهم واحدة حلمهم واحد هدفهم واحد .. شكراً على تعليقك وانك طلعت المعنى من بطن الشاعر
|
يا جماعة القصيدة دي حلمنا .. كلنا علوان .. ياريت اسمع أراءكم فيها
|
الله عليك يا استاذ احمد اان بجد معجب بيك جدا
|
وانا بجد فرحان بمرورك جداً واهتمامك وردك ويارب ما يحرمني منك يا رب
|
أخى الكريم الأستاذ ........... أحمد لك تحياتى واحترامى لشخصك المميز . أيها الشاعر التلقائى ، القصيدة فى منتهى الروعة بالنسبة للرموز والصورة الجميلة الحسيه، فهى من النوع الشعر المحكى الرمزى ، أحسنت أيها الشاعر الشعبى هكذا اسميك . أخى الفاضل بالنسبة للهجة الصعيدى اسمحلى . هذه لهجة ( ماسبيرو) أى لهجة المسلسلات هههههههههههههههههههه لقد قلبت حرف القاف (ق ) إلى (ج ).. وهذه لست لهجة أهل الصعيد ، فلهجة اهل الصعيد لست صعبة للدرجة !!!!!!!!!! ولا يوجد كلمة (لع ) ربما توجد زمان فى بعض مناطق الصعيد الوسط ................. عزيزى أنت بور سعيدى .!!!.... وهناك توجد عائلات صعيديه بكثرة أنصحك عزيزى أن تزورنا فى الصعيد وتعرف لهجتنا على اصولها . بالنسبة للقصيدة ، سلمت يمينك ، وسلم قلمك . وننتظر منك المذيد . تقبل تحياتى ... مشكور أختك :::: وحيدة http://www.mo3afa.com/wrd/w15.gif |
وانا مش هلاقي احسن من دي فرصة عشان تغيري وتعدلي لكنة القصيدة بنفسك ممكن لو سمحتي؟ عشان استفيد من اللكنة الصعيدية الصحيحة لو سمحتي .. وهيكون شرف ليا والله
|
كلام جميل وزجل أصيل ، ويا سلام لوكان مسجلا بالصوت إذن لاستمعنا للهجة الصعيدى المظبوط
مع تحيات أخوك أبو مازن |
يا هلا يا أبو مازن أول مرة أشوفك في مواضيعي بس نورتني والله وزدتني شرف يا حبيب قلبي
|
طبعا موضوع مميز من عضو مميز
بس بالنسبه لموضوع الردود هى المشكله بس ان الناس اتشغلت بالدرسه لحد ما و غير كدة ممكن حضرتك لما تنزل مواضيع ياريت يبقا مش اكتر من 3 مواضيع فى اليوم عشان العضوا لما يدخل يقرء يدى لكل موضوع حقه و دة راى عن تجربه لكن طبعا دة مجرد راى و يحق لك التصرف كما تريد و ارجوا تقبل كلامى و مرورى |
اقتباس:
|
مبدع
كلمات جميله انا مش خبير اوى فى اللكنه الصعيديه ولكن الكلمات بشكل عام عجبتى جدا شكرا لك |
| جميع الأوقات بتوقيت GMT +2. الساعة الآن 02:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.