ما هي الجمعية المصرية لمهندسي البرمجيات؟؟
 

• دعم أعضاء الجمعية إجتماعـياً وعلمياً ومهنياً .
  
• العمل على تنمية الطلب المحلى من خلال رفع الوعي التكنولوجي والسعى لتعميق الاستخدام على المستوى القومي .
  
• الإرتقاء بصناعة البرمجيات وتكنولوجيا المعلومات في مصر.
  
• تبادل الخبرات و المعلومات مع الجهات المتخصصة محلياً وعالمياً.
  
• المشاركة في خطط التنمية في مجال تكنولوجيا المعلومات ومواكبة توجهات الدولة في هذا المجال.
  
• نشر الوعي بحقوق الملكية الفكرية والحفاظ علي أخلاقيات المهنة.
  
• تبنى القضايا التي تواجه صناعة البرمجيات وتكنولوجيا المعلومات الاتصالات والشركات العاملة بها وفتح قنوات الاتصال الفعال مع كافة مؤسسات الدولة لإزالة المعوقات وإيجاد الحلول التي تحقق صالح الأعضاء و صالح الدولة.

أنشطة الجمعـية:

• عقد الدورات التدريبية للأعضاء لرفع مهاراتهم في مختلف المجالات.
  
• تنظيم الندوات والمؤتمرات في مجال تكنولوجيا المعلومات والإشتراك في الأنشطة المماثلة.
  
• تنظيم معارض التوظيف ودعوة جميع الجهات المعنية و إصدار نشرة غير دورية بالوظائف الخالية.
  
• إصدار نشرات دوريه و غير دورية بأنشطة الجمعية و كل ما هو جديد في مجال تكنولوجيا المعلومات.
  
• توفير الكتب والبرمجيات للأعضاء بأسعار مدعمة.
  
• تقديم الدعم والإرشاد التقني للأعضاء.
  
• دعم مشاريع التخرج للطلبة الأعضاء بالتعاون مع شركات تكنولوجيا المعلومات للإستفادة العملية من هذه المشروعات.

و قد قامت الجمعية بتنظيم العديد من الانشطة و الخدمات لطلبة و خريجي الكلية منها:

1- تنظيم ملتقي التوظيف الأول لجميع كليات الحاسبات و المعلومات بمصر عام 2004 تحت رعاية وزارتي الاتصالات و التعليم العالي و شركتي Microsoft و ITWorx
2- المساهمة في تنظيم الملتقي الثالث لشباب الحاسبات بجامعة الزقازيق في أبريل 2005
3- تنظيم مسابقة للبرمجيات بجامعة عين شمس في ابريل 2006 تحت رعاية شركة ITWorx

بالاضافة للعديد من الخدمات الاخري التي تقدمها الجمعية للاعضاء مثل تنظيم الدورات التدريبية و تقديم خصم خاص للاعضاء بمراكز التدريب المتخصصة. لمزيد من المعلومات


الجمعية المصرية لمهندسي البرمجيات
اتصل بنا:
الموقع الرسمي www.esea-online.org
البريد الالكتروني:info@esea-online.org

المقر الرئيسى :
كلية الحاسبات و المعلومات
بالفرب من فنون تطبيقية... جامعة القاهرة
الجيزة

منقوووول

ههههههههههههههههههههههههه عسل يا بيبو

اصل انا لما دخلت موقعهم ودخلت على لينك التسجيل عشان اشوف ايه الكليات الموجودة وكدا لقيت تسع كليات بس ... مش حاطين الفيوم وبنها تقدري تقولي اضطهاد ههههههههههه

او عشان الفيوم وبنها لسا كليات جديدة

اه يا ستي نقدر تعتبرها زي النقابة كدا ... ما هي مقدمة اساسا لانشااااااااء النقابة

بس حلوة حكاية مدرس الفرنساوي دي

انتي مش قادرة تنسي ليه الدروس والثانوية يا بنتي خلاص الحمد لله أخدنا افراااااااااااااااااااج

اي اسئلة تانية تحت امرك

منورة موضوعي يا بيبو

ردك بكل الردود الي مش عارفة أمشي في الموضوع من كترها ههههههههههههههه

الظاهر طلاب حاسبات انقرضوا ..

يلا انتي بالدنيا يا ستي ولا يهمك

اه نسيت اقولك انك تقدري تقدمي فيها وانتي طالبة مش شرط لما تتخرجي وبيطلعلك كارنيه كمان زي البطاقة كدا .. بلاستيك وشكله نضيف هههههههههههههههههه

بس زي ما قلتلك تقدري تشتركي سواء طالبة او خريجة

لما ان شاء الله الدراسة تبدأ .. بسهولة ان شاء الله تقدري تقدمي في الجمعية في الكلية ويعلموا ليكي الكارنيه
بيكون في كل جامعة ممثل للجمعية .. هسأل أختي برده عن الموضوع دا وأرجع أقولك تاني
بس بقول على أد الي فاكراه من كلام اختي .. هتأكد منها ان شاء الله وأرجع اقولك

رغيت كتير معلش هههههههههه استحمليني

طب خير كويس بجد :)

الواحد يعمل له منظر
كفاية كلام الناس علينا ان مالناش نقابات :d
صحيح هى النقابات عملت ايه لاعضاءها يعنى !!!
العدد القليل حلو بردو
من احلى ما فى كليتنا بجد




هو اول يومين كدة بعد نتيجة تنسيق المرحلة التانية كان فيه ناس فى حاسبات
بس معرفش اختفوا فين بعدها بصراحة


لحد ما نكمل الحد الادنى يعنى؟
وكم هو عدد الخريجين المطلوب او بمعنى اصح ايه هو الحد الادنى ؟؟

==========
ياستى اعملى الخير وارميه فى البحر
خلينا منفعة للاجيال الجديدة اللى جاية ورانا ان شاء الله :d

ها نفضل احنا التلاتة نرد على بعض بس مش مشكلة :p
على فكرة موضوع الجمعية دى جميل جدآ انا باذن الله اول ما اطلع كارنيه الجامعة ها اشترك فيها

فعلآ موضوع النقابة ده مزعلنى قوى ونفسى يتعملنا نقابة تلمنا مع بعض بدل ما احنا متفرقين كده :(

انا فعلا اول مره اسمع عن الجمعيه دي وشكرا علي المعلومات الجميله دي يا همس وبالنسبه للنقابه في ناس كتييير اوي بتجري عشان الموضوع دا ومنهم ناس قرايبي وربنا يسهل ....

توفيـــــق يحيــــي ----- حاسبات ومعلومات المنصوره

ضيفونى ليكم هنا كعضو من اعضاء حاسبات ومعلومات
بس انا خلاص اتخرجت فى 2006

وموضوع الجمعية هو فعلا تمهيد لانشاء النقابة وهما بيسعوا الى ذلك وسمعت كمان انهم عملوا مسودة لانشاء النقابة لحين عرضها على مجلس الشعب قريبا ان شاء الله

.
.

يااااااااااااه
اكيد طبعا
منورنا يا بشمهندس
فينك من زمان

==================

شفتى يا هند ،، بنزيد اهو ولله الحمد :rolleyes:

ربنا يخليكى يا حابى
اعمل ايه بس الجيش خد سنة من حياتى معرفش راحت فين

يا مراحب يا ميدو
ازيك يا عم عامل ايه
فينك يا راجل احنا زدنا شرف رجوعك المنتدى تانى (عارفين ظروف جيشك يا باشا )
اكيد دلوقتى انت مش عارف انا مين ولا ها تعرفنى بالتخمين

انا محمود elma7et
فاكرنى ولا ....؟

اكيد يا محمود فاكرك
انا الحمد لله فاكر معظم الناس اللى كانوا فى المنتدى زمان بس طبعا لما الاسماء بتتغير مش بعرفهم
وشكرا ليك يا باشا
الشرف ليا اكون مع ناس زيكم
.
.

msamido
بجد حضرتك منورنا
وعودا حميدا
وان شاء الله تكون خلصت الجيش :D

وعقبال الماجيستير والدكتوراة ان شاء الله

وعقبال تخرجنا احنا كمان :D
------------------------------
عودة للموضوع والحديث عن الحاسبات :D

ايه بقى موضوع المسودة دا كمان ؟؟؟؟

مش عيب عليهم اسمنا مهندسين كدة يعنى ومشردين بلا نقابة

اصلا للاسف فى خلاف على اصل كلمة مهندسين دى حابى
عايزين يقصروا كلمة مهندس على خريجى كليات الهندسة واننا نكون مثلا مطوروا البرمجيات أو مصممى البرمجيات او اي حاجه تانيه
هذا والله اعلم انا معنديش استنادات موثوقه فى الموضوع ده
.
.