ارجو المشاركة من الجميع
بصوا يا جماعة
فى منا الكتير الى مقصر فى حق ربنا وقصدى فى حفظ القرآن بسبب الانشغالات الكتير اية رأيكوا لو نحفظ مع بعض فى يوم واحد من الاسبوع نحدد صفحة مثلا نحفظها خلال اسبوع ونبدأمن سورة البقرة وندخل كلنا كل يوم سبت وكل واحد يقول هو حفظ ولا لا وعاوزة جدية بجد ولازم كل واحد يدخل يقول انه هيحفظ معانا موافقين الايام معدودة ومحدش عارف هيعيش لبكرة ولا اية وشكرا |
موضوع جميل يا ملك اليمن
وان شاء الله هاكون مشتكرة في الموضوع ده بس المشكلة ان مفيش حد لاغيت دلوقتي مشترك غير تقريبا على العموم اتنين حلو اوي ومنتظرة دخولك عشان نحدد الصفحة با ذن الله وجزاك الله كل خير |
الف شكر على المشاركة يا لولو
وان شاء الله هيشتركوا كتير بس على بكرة الساعة 10 كدة هدخل والى اشترك معانا هنحفظ مع بعض ان شاء الله |
اوكى يا استاذه ملك اليمين بس ممكن حاجه
انا فعلا حافظ القران ((بس انا بنساه عشان مش براجع عليه)) فانا هكون كمان موجود ..... وشكرا على الاهتمام والتنبيه |
شكرا ليك يا سنيبر على المرور
يعنى انت هتحفظ معانا ولا نظامك اية وانت ما شاء الله حافظ القرآن كله؟؟؟؟؟؟؟؟ |
المشكلة يا نسمة انى بحفظ بسرعة جدا
طبعا حتقولى لى دى ميزة مش عيب لكن هقولك انى بنسى بسرعة البرق اللى بحفظة ودة السبب فى ضياعى فى االفرنساوى ولكن مجموعى 98% بسبب الأحياء والرياضة والانجليزى اللى انا مقفلهم الحمد للة ويارب يكون زيهم القرأن بالضبط وشكرا ليكى يانسمة |
ما تحدد موقفك يا دكتور انت هتحفظ ولا نظامك اية انت كمان
وعلى فكرة انا كمان الحمد لله جبت فى تانية 98% بس انا ادبى عقبال السنة دية ... وان شاء الله ربنا علشان انت بتعمل خير هيذكرك الى هتحفظه معاناه |
ان شاء اللة يانسمة هحفظ
هو فى حد يقدر ما يحفظ القرأن!!!!!!!!!!!!!!!!! وشكرااااااااااااااااااااااااااااا |
شكرا ليك انت
وان شاء الله زى ما قلت هندخل كلنا بكرة الساعة 10 باليل علشان يكون عدد كبير اشترك ونبدأ ان شاء الله |
يا جماعة الناس الى بتدخل تبص وتمشى دية
متشتركوا معانا احسن من الفرجة انت فين يا طمعانة فى رضاك يا رحمان؟؟؟؟؟؟؟؟؟؟ انا قلت انك اول واحدة هتشتركى معانا |
فكرة جميله يا نسمة وانا معاكى يله قولى رقم الصفحة
|
فكرة رائعه جدا
انا الحمد لله حافظة القران الكريم كاملا وانا معاكم لو محتاجين اى مساعده |
جزاكى الله خيرا
انا فعلا كنت ناوية أقترح الاقتراح دا السنة إل فاتت بس نفذتها مع مجموعة من صحباتى |
شكرا يا جماعة على المشاركة
والنهاردة هناخد لحد اية عشرة من سورة البقرة وان شاء الله يوم السبت الجاى ندخل ونقول مين الى حفظ ومين الى هيتعلق على باب المنتدى |
والله هي فكره تمام بس صعبه التنفيذ معايا انا
لكن لو في الصيف تبقي روعه فعلا حتي نستغل الصيف في حاجه مفيده |
جميع الأوقات بتوقيت GMT +2. الساعة الآن 09:18 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.