|
لطمه على جبين الإنسانية
السلام عليكم ورحمة الله وبركاته أزيكم يا أعضاء المنتدى ياحلوين عاملين ايه وأخباركم ايه رمضان اوشك على الإنتهاء يارب يكون غفر لينا ذنوبنا فية وكل سنة وحضرتكم طيبين بحلول عيد الفطر اعادة الله عليكم وعلى الأمة الإسلامية بالخير واليمن والبركات أنا يجماعة هتكلم النهاردة على موضوع حدث بالفعل ياجماعة بيدل بجد على حماقة معظم الشعب المصرى فى تعاملاته مع الأخرين وعدم اكرام ضيفة ـــ طبعا مش كل الشعب المصرىــــ. طبعا ياجماعة فى رمضات تُقام الدورات الرمضانية فى الكورة فى المدن والأرياف فى قريتنا تُقام دورة رمضانية لكرة القدم حدث موقعف ياجماعة غبى جدا يدل على غباء وحماقة الشعب اللى انا عايش فى وسطية كانت بلدنا بتلعب فى الدور قبل النهائى مع احدى البلاد المجاورة والدورة تُقام فى بلدنا بلدنا ياجماعة كانت مهزومة 2/0 وكان ناقص حوالى 3 ق والماتش ينتهى طبعا كده خلاص البلد المجاورة وصلت للنهائى حصل كرة مشتركة بين لاعب البلد المجاورة ولاعب بلدنا وكان فاول عادى جدا لبلدنا ولكن حصل مالم يكن فى الحسبان قام لعب بلدنا الذى له الفاول بالقفز على لاعب البلد المجاورة على رقبته مما أدى الى وقوع لاعب البلد المجاورة على الأرض ثم جرى من فى الملعب من بلدنا ومن خارج الملعب اللى اللاعب المُلقى على الأرض وانهالوا علية ضربا بالأحذية على رأسة وهم واقفون كان مشهدا اليما بالنيبة لى و كنت على وشك البكاء على هذا الولد البرىء ولكن ماذا أفعل وسط هذة الأدغال وقفت اشاهد ماذا ستسفر عنه هذة الحادثة قام اولاد الخير بفض الإشتباك ولكن كان عين الولد المُلقى على الأرض تكاد تكون قد باظت ودخل أبناء البلد المجاورة داخل مقر النادى للحماية من هؤلاء الأدغال الأغبياء الحقراء . ومن هنا ظهرت لعنة البلد المجاورة فى سماء بلدنا جاء احد رجال بلدنا بالبصق على كابتن فريق بلدنا وقال له كيف تفعلوا ذلك؟؟ كان يقف بجوار كابتن فريق البلد اخواته الإثنين وهم ايضا يلعبون فى الفريق طار احد اخواته الى مكان ما وذهب وأحضر مالم يتوقعة الجميع وهى الســــــــــــــــنجة ودخل بها النادى وقام بترويع أكثر من ألف ونصف شخص كانوا حاضرين وانقلبت البلد رأسا على عقب وجاء أهالى اللاعبين فى منظر كدت ابكى عندما شاهدته جاءوا من نومهم من تعبهم طيلة النهار حافيين القدميين مرتديين نصف ملابسهم وجاءت الأمهات يصيحن بالصويت فى قلب النادى فى مشهد درامى حقيقى وجاء معظم من فى البلد ليروا ماذا كان يحدث . المهم :ــ دخل ذلك الأحمق الذى كان يمسك بالسنجة الى النادى ليتشاجر مع الذى بصق اخاة ولكن الناس الجامدة تدخلوا امسكوا بذلك الولد وحملوا 5 الى منزله واباة يصرخ حولة ولكن لاتزال المشكلة فى النادى بين الذى بصق والذى بُصق علية وأخاة ودخلت المشاجرات فى سخونتها وفجاءة جاء الرجل الذى بصق وضرب اخ الرجل الذى بُصق علية كانت ضربة بخشبة قوية على رأس الأخ أسفرت عن فتح شديد فى الرأس وتخيط 15 غرزة فى الرأس وهنا ازداد الموضوع سخونة وتدخل الشيوخ لإصلاح ذلك الأمر وعندما تدخل الشيوخ تدخل صاحب النادى الذى يكرة الشيوخ والإخوان خاصة وقال لهم هل أنتم فى المسجد؟؟ وقال على زعيمهم الذى بُصق على اخاة انه ارهابى , واستمرت المشاحنة بالسنج والمطاوى ولكن الحمدلله لم تسفر على أي ضحايا اخرى وانتهت فى الواحدة والنصف بعد منتصف الليل. ماذا كان يحدث لو انتهت المبارة بفوز بلدى ؟ والله ماكان يحدث ذلك أبدا لأننا نحب انفسنا فقط ولكن السؤال الأن ماذا كان يحدث لو يتشاجر ابناء بلدنا فى الملعب بعد هزيمتهم؟ هل هذا هو اكرام لضيوفهم ام تهزىء انفسهم وسط البلاد المجاورة؟الى متى سيظل ذلك الشعب أحمق فى تعاملاته؟ حقير فى تصرفاته؟ غبى فى أفعالة؟ الى متى لا نحترم جيراننا ؟؟ الى متى الى متى الى متى؟ بلدى :ــ اسألك الرحيل عنـــــــــــك!!! مع تحيات أحمد2025 |
اية ياعم احمد دة
بئة تتهزمو تعملو كدة فى الناس مداهية لتطلع بلدنا الى هزمتكم التار ولا العار يا رجاااااااااااااااااااااالة هههههههههههههههههه بئة مجرد ماتش كورة يعمل كل دة فعلا دة وان دل على حاجة يدل على مدى التخلف الفكرى الى اهنا لسةعايشين فية الحمد لله انى بلعبش فى الدورات الرمضانية انا اخرىالعب ودى بعد كدة العمر مش بعزقة يا عم |
بحس وأنا بقرأ الموضوع ده بروح بلدنا أنا بردو ساكن الأرياف بلده تقع فى جنوب طنطا تابع لمركز يدعى السنطه اسمها البندره نفس النظام كده بالضبط إن لم يكن أسوأ ولكن أنا لا أقول لبلدى اقتباس:
ولكن أقول ربى أعنى على تقيدم الخير لبلدى |
اقتباس:
لا ياعم مش بلدكم ولا حاجة:) والبلد اصلا عايشة فى تخلف بس تعرف انا كنت عايز العب فى الدورة دى بس الحمدلله ربنا ما اردش بس ياريت الناس تصلح من نفسها شوية شكرا على المرور الجميل ياجمال اقتباس:
انا مش عارف هل كل الأرياف كده ولا ايه بس انا بشوف حاجات غريبة فى البلد بتزهقنى على الأخر حقد وحسد وغل وكرة .........الخ بس برضه بشوف حاجات حلوة وانا مش كاتب اسألك الرحيل انى عايز اهاجر يعنى لا انا عايز اعيش فى القاهرة واجى كل خميس وجمعة علشان طبعا فى القاهرة مش بيحصل كده يعنى شكرا على المرور الأكثر روعة يا سادات |
شكرا يا احمد على الدراما دى بس هيا دى بلدنا ماتخلاش من المشاكل ولو لفيت هتلاقى كتير من ده مش بس فى الارياف دا احنا عندنا اكتر من والله وعلى ايه حاجات اهيف من دى بس الواحد هيقول ايه ولا ايه |
| جميع الأوقات بتوقيت GMT +2. الساعة الآن 01:47 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.