|
فيها ايه لو ....... ؟
فيها ايه لو نقابل بعضنا؟ فيها ايه لو نصحي قلبنا؟ فيها ايه لو حلمنا ساب السما ونزل يخضر ارضنا؟ راضيين انا وانت لحد امتى بالهوان؟ عايشين على الحكاوي اللي بتحكي عن اللي كان رايحيين جايين شايلين الخوف سلاح قاعدين قايليين امتى هيرجع صلاح؟ وحي على الفلاح مخنوقة في الادان ما بتوصل قلبنا فيها لو نقابل بعضنا؟ إني لبناني إني ... بندبح لو تنحبي إني يا قدس إني .... دمعي ليكي كتير حِبي يا قانا مات فيكي الوليد رافع دراعة يرموكي انتي بلا وليد والسيوف اصحابها باعو والجنوب طلع سباعه والحماس دي مننا فيها لو نقابل بعضنا؟ رام الله رامي الله عداك وع الحدود رجالة آمنوا بربنا اللي ما يخلف يوم وعود الرعب زلزل قلبهم علوا الجدار والدود بينخر جسمهم داقوا المرار والنجمة والخطين في نار والقرار خيبر تعود بس ننصر ربنا فيها لو نقابل بعضنا؟ فيها ايه لو نصحي قلبنا؟ فيها لو حلمنا ساب السما ونزل يخضر أرضنا ؟ فيهاااااااااااااااااااااااااااااا إيه؟ |
فيها إيه لو نقابل بعضنا
فيها ايه لو نصحى قلبنا جمليه جدا يا مان بسم الله ما شاء الله اسلوبك جميل استمر |
فيهاااااااااااااااااااااااااااااا إيه؟
فيها كتيررررررررررررر ما شاء الله طريقتك فى الكتابه حلوه اوووووووووووى ده مش اول موضوع ادخلهولك ربنا يوفقك كمان وكمان وفى تقدم مستمر |
رووووووووووووووووووووووووووووووعة
والله بجد انت هااااايل احساسك روووووووووووووووووووووووعة مش عارفة اعبر انا اول مرة بالشكل ده لاالشعر دخل قلبى بجد بسرعة اووووووووووووووى بجد بجد بجد تسلم اييييييييييييك ياااااااااااااااااارب |
يااااااااااااااااااه
متعرفوش تشجيعكم دا عمل فيا ايه ؟ انا بكتب من زمان بس بصراحة معظم كتاباتي في طي الكتمان في الدرج زي ما بيقولو إن شاء الله انا هعرض عليكم كل كتاباتي وانا بفتخر إن في وسط ناس حاسس انهم أخوة والله أنا أخوكم احمد نجم 34 سنة مدرس لغة عربية بمدرسة بورفؤاد الإعدادية بنات ببورفؤاد محافظة بورسعيد واشرف بالتعارف بكل أعضاء هذا المنتدى الكريم جزاكم الله خيرا |
استدعاء لهذه القصيدة التي كنت قد قدمتها من فترة في مناسبة ذكرى اكتوبر
|
بجد جميله اوى كالعاده
وانا نفسى اعرف بجد فيها ايه لو..... |
انتي اللي موضوعاتك رائعة والله ,, وبعدين مفيهاش حاجة والله بس حلمنا ينزل السما ونعيش على أرض الواقع ونفضل نستنى عمنا صلاح الدين لانه مش هيرجع .. أحنا اللي لازم نعمل مش التخيلات والأوهام والبكا على الأطلال
|
إحياء القصيدة .. تضامناً مع (غزة) وهذا ما نملكه
|
فيها ايه لو حسينا للحظة إننا إخوة
لو حسينا إننا واحد لو حسينا بألام كل فلسطيني دلوقتي إنتوا شوفتوا كل الدول العربية بتهاجم السفارة المصرية ف بلدها ليه ؟..... خلاص بقت مصر رمز للخيانة و الصهيونية بقينا من أبناء إسرائيل ؟؟؟؟ لا حول و لا قوة إلا بالله يا رب نتحرك و نعمل أي حاجة يا رب تصحى ضمايرنا فينا ... ولا إحنا مستنيينهم ييجوا عندنا إحنا و الله هاييجوا و الله العظيم طول ما احنا ساكتين هييجوا . هما مش بعيد المسافة قصيرة .... و هييجووا طول ما احنا مش قادرين نحمي نفسنا و لا نسائنا و لا إخواننا |
اقتباس:
وهل هذا الكلام يحزننا؟ هل هذا الكلام سبة في وجوههنا ؟ لا والله إنه لشرف عظيم لنا... فهذا هو الدور الحضاري الذي قامت به مصر على مر التاريخ ... كم كانت مصر حامية العروبة ويثبت ذلك التاريخ.. عل أعتابها هزم المغول والصليبيون .. على أرضها هزم الهكسوس والرومان .. نعم حاربوا لأخر طفل مصري وليس جندي مصري .. في الأزمات والحروب التي مرت على مصر .. كان كل الشعب محارباً .. أوليس نبيل منصور كان طفلاً .. أوليس عسران .. طفلاً .. وغير ذلك من نساء وشباب وعجائز .. نفخر بأن الشعب قادر .. فأعطوا له الفرصة .. نخاف على البنية التحتية .. والتقدم .. شرف لنا ان تتحطم بنيتنا التحتية ونحن نسترد شرفاً وأرضاً .. من أن تتحطم رغماً عنا .. وتضرب طائراتنا ودباباتنا وهي على الأرض.. أو نظن أن الخطر بعيد ؟ أو ننتظر حتى يأتينا ؟ مصر .. آه يا مصر .. قيدوك .. وأجهضوا دورك العظيم .. |
مواضيع رائعه كالعاده وفى انتظار باقى اعمالك
|
شكرا لمرورك أخي الكريم وجزاك الله خيراً
|
اقتباس:
بس ننصر ربنا ..... ننصر ربنا باننا نقول كلمة الحق ننصر ربنا بالتمسك بتعاليم ديننا ننصر ربنا باننا نحس بالمسلمين و نهتم بأمورهم و الا ما نبقاش منهم كلمات رائعة لمست معانى قيمة و انبعث منها الاحساس الدافئ ليس الحب و لا الرومانسيات إحساس أسمى و أسمى إحساس المسلم بأخيه شكر يا أستاذ الأساتذة |
حبيبي بندق الغالي .. دائماً تأسرني بردودك الرائعة والتي تضيف روعة وإبداعاً على أي إبداع كان .. وشكراً لإحساسك الصادق .. جزاك الله خيراً
|
| جميع الأوقات بتوقيت GMT +2. الساعة الآن 02:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.