سؤال من اخوكم في green biotechnology
 

السلام عليكم و رحمة الله و بركاتة :)




اولا انا اخوكم عبدالرحمن بدرس Green Biotechnology في كلية الزراعة جامعة عين شمس سنة اولي




ثانيا انا اسف اني رفعت الموضوع في قسم كلية العلوم لكني رفعتة هنة لسبب:
1- طبيعة عمل خريجي ال Biotechnology معملي بعيدا عن الطب تماما ففي رأي اقرب ناس لينا كلية علوم
قصدي ممكن يتقابل اثنين من الكليتين في مكان عمل واحد (مجرد رأي لو خطا فأنا اسف لأني لسة سنة اولي فمعرفتي مش كبيرة)




السؤال كالتالي :


انا كان نفسي من زمان في كلية علمية لكن للاسف بسبب المجموع مش قدرت اخش اي كلية من الي كان نفسي فيهم ... لكن الحمدلله قرأت عن ال Biotechnology في كلية الزراعة و في اللحظة الي قرأت عنة همي الحمدلله اتشال و ارتحت ... فدخلت البرنامج المتميز في كلية الزراعة جامعة عين شمس Biotechnology باللغة الانجليزية و الحمدلله اتقبلت في التنسيق الداخلي (القسم ب 7000 جنية في السنة + زياة سنوية 10% و اتقبل في 150 طالب) و عموما خريح البرنامج المفروض انة بيتخصص في ال biochemistry + microbiology + genetics و طبعا احنا green ملهاش علاقة بالطب عشان حوار التحاليل الطبية


دة كان مقدمة مهمة السؤال هنا.... للاسف ال biotechnology في مصر مش متقدم حتي ال biotech lab الي شغلنا المفروض في مش موجود فأنا داخل و انا قلقان و حابب القسم في نفس الوقت و قبل مااتقبل اصلا عملت استخارة الحمدلله .... السؤال هنا بقا هل لي شغل كتير في مصر يعني حتي في التحاليل الكيميائية في المصانع (مليش دعوة بالتحاليل الطبية) ---- و هل اسمنا في مصر كيميائين زيكوا (بكلم عن قسم الكيمياء الحيوية) ولا biotechnologists


اسف مرة ثانية اني رفعتة هنا :) + ارجو الاجابة من اشخاص خبرة زي الاستاذ كيميائي طبي :)

شغل البيوتكنولوجيا في كليه زراعه يختلف عن البيوتكنولوجيا الطبيه للي بتدرس في علوم

البيوتكنولوجيا الزارعيه مجالها في مصانع الاغذيه وفي مراكز الابحاث الزراعيه مثل تحسين صفات النباتات عن طريق البيوتكنولوجى

البيوتكنولوجيا الطبيه هى دراسه الامراض المختلفه وتشخيصها من خلال البيوتكنولوجى وشغلها في معامل التحاليل ومراكز ابحاث تشخيصات وعلاجات الامراض